В православной традиции акафист, канон и молитва святой Марине занимают особое место в духовной жизни верующих. Эти духовные практики наполнены особым смыслом и помогают обрести утешение, поддержку и духовное направление в трудные моменты жизни.
Мнение эксперта:Эксперты отмечают, что акафист, канон и молитва святой Марине играют значительную роль в духовной практике православных христиан. Акафист – это особая молитва, воспевающая святого и прославляющая его подвиги. Канон – это служба чтения молитв, включающая стихиры и песнопения, написанные в честь святой. Молитва святой Марине считается мощным средством обращения к святой за заступничеством и помощью в различных житейских проблемах. Эти духовные практики помогают верующим укрепить свою веру, обрести утешение и найти духовное направление в жизни.https://www.youtube.com/embed/vpvt1TuD04EДень Памяти святой Марины
Верующие чествуют подвижнические труды угодниц с этим именем в следующие даты:
30 июля– вмц. Марину Антиохийскую
13 мартаили 12 марта (в год високосный)– прп. Марину Берийскую
Интересные факты
-
Акафист святой Марине, также известный как “Радуйся, Невеста Христова”, является одним из самых популярных гимнов, посвященных этой святой. Он состоит из 24 строф, каждая из которых начинается со слова “Радуйся” и заканчивается обращением к святой Марине. Акафист часто исполняется в православных церквях во время богослужений, посвященных святой Марине.
-
Канон святой Марине, также известный как “Слава тебе, страстотерпица Марина”, является еще одним популярным гимном, посвященным этой святой. Он состоит из девяти песен, каждая из которых содержит несколько тропарей, посвященных различным аспектам жизни и мученичества святой Марины. Канон часто исполняется в православных церквях во время богослужений, посвященных святой Марине.
-
Молитва святой Марине является молитвой, обращенной к этой святой, в которой верующие просят ее о помощи и защите. Молитва часто читается православными христианами в различных жизненных ситуациях, когда они нуждаются в помощи и поддержке.
Великомученица Марина Антиохийская
Эта угодница жила в IV столетии в Антиохии. Родилась она в именитом, но не просвещенным Христовым Учением семействе: отец ее Эдесий был жрецом антиохийских идолищ.
Во младенчестве лишилась она матери, и потому Эдесий отдал ее на воспитание кормилице, жившей в 15-ти верстах от города. Когда отроковице было 12 лет, случилось ей услышать проповедь об Истинном Боге от одного укрывавшегося в тех местах старца-христианина. Много слышала она и о проливших кровь за Искупителя последователях Его, и возгорелось в сердце праведницы добродетельное желание подражать этим мужественным людям.
Эдесий, узнав, что дитя его проповедует Иисуса, отрекся от Марины в ярости. С тех пор все чаяния возложила отроковица на Отца Небесного.
Однажды встретил ее епарх той местности Олибрий. Пораженный красою девушки, хотел было он вступить с нею в брак, но узнав, что перед ним христианка, повелел отвести ее в Антиохию на судилище.
Подвижницу принуждали принести идолам приношения, грозя тяжелейшими муками. Но угодница призывала епарха не надеяться на перемену ее веры и на ее отречение от Предвечного Жениха. Много страданий перенесла святая: немилосердное избиение, строгание трезубцами. Лишь горячие воззвания к милосердию Вседержителя поддерживали ее девичьи силы.
Затем заключили ее в подземелье. Там явился угоднице князь тьмы в обличье громадного змея, окруженного ехиднами. Приблизив к великомученице устрашающую свою пасть, он хотел поглотить ее. Однако в тот миг девица осенила себя Животворным Крестом, и утроба нечистого рассыпалась. Змей и ехидны пропали, а кровля темницы расступилась, и удивительный свет окутал девушку. Взглянув в отверстие кровли, увидела она над собою Крест, над которым летала белоснежная голубица, восклицая:
«Радуйся, Марина, разумная голубица Христова! Радуйся и веселись дочь Сиона Горнего! С мудрыми девами внийдешь ты в чертог Небесного Жениха – Царя Небесного!»
Раны и язвы с растерзанного тела страдалицы исчезли. Как прежде сделалась она здоровою и прекрасною, и радостно славословила Избавителя!
Утром епарх, видя девушку здоровой, приписал дивное ее исцеление милости богов языческих и вновь предложил праведнице принести им жертвы. Угодница же призвала епарха отречься от идолов и вознести хвалу Творцу Истинному. Слыша такие речи, разгневанный епарх повелел терзать св. Марину снова. Тело ее опаляли огнями и погружали в цистерны с водою, — и в тот момент снова воспарила над нею Божия голубка, касаясь угодницы своими крылами. Над мученицей возник светящийся столб, на котором водружен был Крест. Голубка взлетела на его вершину и воскликнула:
«Мир тебе, Марина! Ныне примешь ты неувядающий венец добродетелей от Руки Господней!»
Это видение многих сделало христианами. Епарх вынужден был призвать войско, чтобы усмирить их возмущение. Пятнадцать тысяч уверовавших приняли в тот день вместе с Мариною мученическую гибель, порубленные воинами. Марина же была обезглавлена. Душу ее приняли ангелы и возвели в чертоги Небесные, где встретил ее с радостью Предвечный Жених.
Интересный факт
Автором жизнеописания св. Марины является некий христианин Феотим – свидетель ее страданий, навещавший подвижницу в заключении.
В России поклониться частицам мощей этой праведницы можно в Свято-Троицкой Сергиевой лавре, в Воскресенском храме в Сокольниках, в церкви Илии Пророка в Обыденском переулке и в некоторых иных приходах.
Читайте также:
Церковь, посвященная св. Марине, находится в подмосковном пос. Битца. Первую Литургию здесь отслужили 30 июля 2014 г.
О чем молятся святой Марине Антиохийской?
Св. Марина
сокрушила власть князя тьмы. Иногда ее изображают с молотом, попирающей стопою падшего духа. Поэтому к угоднице обращаются с прошениями о защите от лукавых бесов и их приспешников. Издревле пересказывали друг другу верующие о дивных случаях излечения бесноватых, произошедших по молебнам угоднице у ее мощей.
Ее почитают защитницей от змей, уберегающую людей от их укусов.
Интересный факт
У народов Балкан праведницу эту почитают защитницею от пожаров (вероятно, из-за близости дня ее чествования к дню
св. Илии Пророка
). Именуют ее в этих краях издревле Огненной Марией и просят помощи угодницы при засушливом лете. В этих странах даже существует обычай в ее день, 30 июля, отказываться от тяжелых работ и не разводить очаг для приготовления горячей пищи.
Молитва святой Марине Антиохийской
«О святая дево и великомученице Марино, истинная Жениха твоего Христа невесто, во граде Антиохии за веру Христову пострадавшая, сквозе огнь и воду прошедшая и в Царствии Небеснем водворившаяся! Ты от юности всею душею и всем сердцем возлюбила еси Христа, Бога нашего, Тому единому послужити желающи. Ты силою благочестия своего, целомудрием и праведностию просияла еси, поживши свято и непорочно посреде неверных. Ты, благодатию Божиею от ран дивно исцеленная, изумила еси мучителей твоих и многих неверных привела еси к познанию Истиннаго Бога. Ты силою Божиею попрала еси диавола, явльшагося пред очима твоима, и благодать прияла еси во брани врага рода человеческаго побеждати. Ты еси всея Церкве Христовы светильник пресветлый, теплая к Богу молитвенница и всем прибегающим к тебе с верою скорая заступница. О святая Марино, руководи нас к Небесному Отечеству, подаждь нам ревность о спасении, направи стопы наша к деланию заповедей Христовых, на путь подвига духовнаго и исправления жизни. Поминай нас молитвою твоею, помози всем нам жити целомудренно, праведно и благочестиво. Услыши ны, страстотерпице Христова, и умоли Человеколюбца Бога, да подаст Он ходатайством твоим Отечеству нашему мир и благоустроение, всем православным христианом утверждение в вере, благочестии и чистоте, да укрепит в нас братскую любовь, да очистит нас, грешных, от скверны и пороков, да сохранит нас от действа вражия, и помилует Своею благодатию, и Царствия Небеснаго наследники соделает, идеже купно с тобою прославим дивнаго во святых Своих Бога, Отца и Сына и Святаго Духа, всегда, ныне и присно, и во веки веков. Аминь».
Канон святой великомученице Марине (Маргарите) Антиохийской
Припев:Свята́я великому́ченице Мари́но, моли́ Бо́га о на́с.
-
Читайте также:
Пе́снь 1.
Ирмо́с:Во́ду проше́д, я́ко су́шу, и еги́петскаго зла́ избежа́в, изра́ильтянин вопия́ше: Изба́вителю и Бо́гу на́шему пои́м.
Лику́ющи, му́ченице, о Бо́зе и луча́ми исполня́ема от Него́, зарю́ мне́ пода́ждь светоно́сну твои́ми моли́твами, до́брая де́во.
Теку́щих и нестоя́тельное и тле́нное, му́дрым умо́м обложе́на, му́ченице Христо́ва, презре́ла еси́ разу́мно и пра́ведных сподо́билася еси́ вы́шния све́тлости.
Ра́бски прихожду́ к тебе́, честна́я, твои́ми мольба́ми жите́йских мя́ бе́д спаси́, му́ченице страстоно́сице, и страсте́й мои́х утиши́ смуще́ние.
Му́дростию и благода́тию просве́щся у́м тво́й, Мари́но, мучи́телей преще́ния не устраши́лася еси́, му́ченице Спа́сова, Боже́ственною си́лою укрепля́ема.
Богоро́дичен:Стезю́ показа́ла еси́ жи́зни, Жи́знь су́щую заче́нши и пло́тски ро́ждши Сию́, Богома́ти, и у́зы сме́ртныя расто́ргла еси́.
Пе́снь 3.
Ирмо́с:Не́сть свя́т, я́ко Госпо́дь, и не́сть пра́веден, я́ко Бо́г на́ш, Его́же пое́т вся́ тва́рь: не́сть пра́веден, па́че, Тебе́, Го́споди.
Ни о́гнь, ниже́ ра́ны, ни ме́чное сече́ние, ни мучи́телей суровство́, ни сме́рть же, ни звере́й свире́пство Боже́ственныя отлучи́ тя любве́, прехва́льная.
Была́ еси́ непоколеби́мь и непреклони́мь во вре́мя обстоя́ния сто́лп, всесла́вная, благоче́стия основа́ние положе́но ве́ры на ка́мени, преблаже́нная.
Де́ва в му́ченицах была́ еси́, в де́вах непобеди́ма му́ченица была́ еси́ ты́, Христу́ уневе́стившися, сугу́б тебе́ подаю́щу вене́ц, всенепоро́чная.
Святы́х крове́й твои́х, до́брая де́во, то́ки излива́емы всю́ угаси́ша и́дольскую ле́сть, и собо́р привела́ еси́ му́ченик Жениху́ твоему́.
Богоро́дичен:Укре́пльшеся благода́тию, Богоро́дицу Тя́ единому́дренно сла́вим, пло́ть бы́вшаго, е́же бы́ти все́м Даю́щаго, родила́ еси́ и ми́р обнови́ла еси́.
Седа́лен, гла́с 4.
Наста́, празднолю́бцы, све́тло торжество́, па́мять сла́вныя страстоно́сицы Христо́вы, веселя́щи вся́ческая, сия́ющи заря́ми чуде́с в ми́ре, нося́щи челове́ком непреста́нную благода́ть, тоя́ моли́твами, Христе́, спаси́ ду́ши на́ша.
Богоро́дичен:Де́во Всенепоро́чная, Я́же Пресу́щнаго Бо́га ро́ждшая, со безпло́тными Того́ непреста́нно моли́ оставле́ние прегреше́ний и исправле́ние жития́ да́ти на́м пре́жде конца́, ве́рою и любо́вию пою́щим Тя́ по до́лгу, еди́на Всепе́тая.
Крестобогоро́дичен:На Кресте́ Тя возвы́шена я́ко узре́ Пречи́стая Ма́ти Твоя́, Сло́ве Бо́жий, ма́терски рыда́ющи, веща́ше: что́ но́вое и стра́нное сие́ чу́до, Сы́не Мо́й? Ка́ко, Жи́знь все́х, вкуша́еши сме́рти, оживи́ти ме́ртвыя хотя́, я́ко Милосе́рд?
Пе́снь 4.
Ирмо́с:Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча, и на́шу нищету́ посети́в. Те́м с проро́ком Авваку́мом зову́ Ти: си́ле Твое́й сла́ва, Человеколю́бче.
Боголе́пно бы́сть вои́стинну житие́ твое́, а́нгелом яви́ся любе́зно, де́монскому же во́инству и слуга́м и́х свире́пству непристу́пно показа́ся. Христу́ бо вопия́ла еси́: си́ле Твое́й сла́ва, Человеколю́бче.
На земли́ подвиза́вшися, всебога́тая, и вре́менныя боле́зни претерпе́вши, на небесе́х ны́не воздая́ния от Влады́ки прие́млеши, му́ченице непобеди́мая, во ве́ки безконе́чныя, со а́нгелы вопию́щи: си́ле Твое́й сла́ва, Человеколю́бче.
Ны́не о тебе́ ра́дуется деви́ческий ли́к, ны́не му́ченик собо́р весели́тся, ны́не и мно́жество благочести́вых, собра́вшеся, лику́ют, ра́дующеся, Влады́це вопию́ще гла́сы немо́лчными: си́ле Твое́й сла́ва, Человеколю́бче.
Вся́ добра́ еси́, де́во, и нескве́рная, яви́лася еси́ неве́ста всенепоро́чная, душа́м добро́ты рачи́тельна, мучи́тельными разжже́нии, всеблаже́нная, яви́лася еси́ светле́йши, Христу́ пою́щи: си́ле Твое́й сла́ва, Человеколю́бче.
Богоро́дичен:Еди́на чиста́ и по рождестве́ пребыла́ еси́: Ты́ бо еди́на Сло́во, Ипоста́сное Отцу́, Сопресто́льна Сы́на, из Тебе́ воплоще́нна, родила́ еси́, Богоневе́сто, и но́сиши на руку́ Невмести́маго все́ми и вся́ концы́ Содержа́щаго.
Пе́снь 5.
Ирмо́с:Вску́ю мя́ отри́нул еси́ от лица́ Твоего́, Све́те незаходи́мый, и покры́ла мя́ е́сть чужда́я тма́ окая́ннаго? Но обрати́ мя, и к све́ту за́поведей Твои́х пути́ моя́ напра́ви, молю́ся.
На суди́щи страда́лец тече́ние кре́пко, отрокови́це, прешла́ еси́. Боже́ственное бо жела́ние же́нскую не́мощь укрепи́, проявле́нно показу́я, промышле́нием страда́ния самодержа́вна му́ченица су́щи.
Ка́пли твои́х крове́й, му́ченице, иска́пающе, багряни́цу многоце́нну и нетле́ннаго весе́лия ри́зу истка́ша, е́юже ны́не, богому́драя, на небесе́х оде́яна, у́мно Жениху́ предстои́ши.
У́зами моли́тв твои́х, отрокови́це, всехва́льнаго зми́я связа́вши, горды́ню пе́рвее превознесе́нную к земли́ смири́ла еси́: испо́лнити бо ве́сть, я́ко Бла́г Всеве́дец, Того́ боя́щихся во́лю.
Превозноси́мыя тя́ сла́вы боже́ственными венцы́ вои́стинну украси́ Жени́х — Сло́во, Его́ ра́ди страда́вшую обожа́я и огня́ пла́мень и бие́ния ра́н терпели́вно претерпе́вшую, сла́вная.
Богоро́дичен:Очища́емо зря́ще де́вства Твоего́ рождество́м, Всенепоро́чная, земны́х естество́ от пе́рвыя кля́твы, сла́вим из Тебе́ Рожде́ннаго, единоча́даго за милосе́рдие, Его́же моли́, Де́во, спасти́ на́с.
Пе́снь 6.
Ирмо́с:Очи́сти мя́, Спа́се, мно́га бо беззако́ния моя́, и из глубины́ зо́л возведи́, молю́ся, к Тебе́ бо возопи́х, и услы́ши мя́, Бо́же спасе́ния моего́.
Возложе́на Христу́, яви́лася еси́ добра́ и нескве́рна, и я́ко исто́чник чи́ст, и вертогра́д многопло́ден, Мари́но всесла́вная, и бли́жняя неве́сто, и ра́й неокра́дом.
Отрокови́ца всеблаголе́пна всле́д Тебе́ после́дова, теку́щи ко благово́нию ми́ра Твоего́, Влады́ко, пречи́стей стра́сти Твое́й терпе́нием подо́бящися и пречестне́й.
Претерпе́ла еси́ му́жески по́двиги, му́ченице многострада́льная, и пе́рвее умовре́дно вельми́ хва́лящагося с шу́мом погуби́ла еси́ кре́стною си́лою, о Мари́но господоимени́тая!
Богоро́дичен:Мари́е, чи́стый и пречи́стый сосу́де все́х Соде́теля, души́ очисти́лище, пода́ждь ми́ сле́зы и услы́ши мольбу́ мою́, Всенепоро́чная.
Конда́к, гла́с 3.
Де́вства добро́тами преиспещре́нна, де́во, нетле́нными венцы́ венча́лася еси́, Мари́но, кровьми́ же му́ченичества обагре́на, чудесы́ просвети́вшися исцеле́ний, благоче́стно, му́ченице, прия́ла еси́ по́честь побе́ды твоего́ страда́ния.
И́кос:
Жениху́ Христу́ раче́нием се́рдца твоего́ от младе́нства, честна́я, разже́гшися, потекла́ еси́, я́ко еле́нь, жа́ждущи исто́чником приснотеку́щим, девому́ченица, страда́нием же тебе́ саму́ю соблю́дши, в нетле́нном су́щно Зижди́теля твоего́, неве́сто благосла́вная, черто́зе дости́гла еси́, укра́шена и упещре́на, венцено́сица победи́тельная, свещено́сица благоцвету́щая, нетле́ннаго неве́стника получи́вши и прие́мши, я́ко зла́то, по́честь побе́ды твоего́ страда́ния.
Пе́снь 7.
Ирмо́с:О́троцы евре́йстии в пещи́ попра́ша пла́мень дерзнове́нно и на ро́су о́гнь преложи́ша, вопию́ще: благослове́н еси́, Го́споди Бо́же, во ве́ки.
Све́т непристу́пный, Мари́но, просвети́ досто́йно ду́шу твою́ и свеща́ми све́тлыми озари́ пою́щия: благослове́н еси́, Го́споди Бо́же, во ве́ки.
Взя́тся к Боже́ственней вои́стинну высоте́, высо́к бо ты́ стяжа́ла еси́ ра́зум и в черто́г све́тел всели́лася еси́, вопию́щи: благослове́н еси́, Го́споди Бо́же, во ве́ки.
Неве́ста бли́жняя Влады́це показа́лася еси́, Мари́но богоно́сная, и я́ко му́ченица непобеди́ма Тому́ зове́ши: благослове́н еси́, Го́споди Бо́же, во ве́ки.
Богоро́дичен:Кня́зь не ктому́ от Иу́ды оскуде́, из Тебе́ бо Влады́ка, язы́ков наде́жда, возсия́ несказа́нно: благослове́н, Пречи́стая, Пло́д Твоего́ чре́ва.
Пе́снь 8.
Ирмо́с:Мусики́йским орга́ном согласу́ющим и лю́дем безчи́сленным, покланя́ющимся о́бразу в Деи́ре, три́ о́троцы не повину́вшеся, Го́спода воспева́ху и славосло́вяху во вся́ ве́ки.
Тве́рд нра́в стяжа́вши, тве́рдо страда́ния терпя́ше, и венцы́ побе́дными венча́ся, пою́щи: Го́спода по́йте и превозноси́те Его́ во ве́ки.
Та́йный, Мари́но, тебе́ черто́г ду́ш Жени́х, Бо́г Сло́во, угото́ва на небесе́х, Его́же ви́дящи, зове́ши: Го́спода по́йте и превозноси́те Его́ во ве́ки.
Доброде́тельми разли́чными укра́шена, даро́в мно́жайших сподо́бися, кра́йнее жела́ний зря́щи и вопию́щи: Го́спода по́йте и превозноси́те Его́ во ве́ки.
Спасе́ния яви́лася еси́, страстоте́рпице, мно́гим вина́ и му́ченик собо́ры Христу́ привела́ еси́, согла́сно вопию́щи: Го́спода по́йте и превозноси́те Его́ во ве́ки.
Богоро́дичен:Очище́ние на́м, Богороди́тельнице, Тобо́ю даде́ся: Ты́ бо еди́на отдала́ еси́ до́лг, все́х заче́нши Го́спода, Де́во, Его́же превозно́сим во ве́ки.
Пе́снь 9.
Ирмо́с:Устраши́ся вся́к слу́х неизрече́нна Бо́жия снизхожде́ния, я́ко Вы́шний во́лею сни́де да́же и до пло́ти, от деви́ческаго чре́ва бы́в Челове́к. Те́мже Пречи́стую Богоро́дицу, ве́рнии, велича́ем.
Мари́но, му́ченице Христо́ва, жи́знь ве́чную и неги́бнущую в ра́йстей пи́щи приле́жно вои́стинну объя́ла еси́, обраща́ющееся бо без вре́да ору́жие премину́ла еси́, му́ченическими кровьми́ сия́ющи издале́ча, до́брая де́во.
Попали́ всеве́щную и любомирску́ю, де́во, мы́сль жела́ние боже́ственное и тверде́йшу показа́ му́ченицу, де́вственными сия́ньми пе́рвее сия́ющую, Мари́но всему́драя. Те́мже вси́ тя, ве́рнии, ублажа́ем.
Разреши́ ми, неве́сто избра́нная, согреше́ний плени́цы моли́твами твои́ми, и рукописа́ние грехо́вное расто́ргни, му́ченице, предстоя́щи благоле́пно Христу́, Жениху́ твоему́ Всеще́дрому, и страсте́й мои́х мглу́ разори́.
Преста́ шата́ние лю́тое льсти́ваго: се́ бо отрокови́ца, забыва́ющи же́нское естество́, пострада́, и на него́ све́тло побе́ду взе́мши, и ны́не прама́тернее назда́ я́ве паде́ние.
Богоро́дичен:Зре́лу пожина́ю жи́знь, невреди́мь дре́вом ра́зума: Ты́ бо, Пресвята́я, жи́зни дре́во — Христа́ прозябла́ еси́, вхо́ды жи́зни все́м показа́вшаго. Те́мже Тя́, Всечи́стая, благоче́стно Богоро́дицу пропове́даем.
Свети́лен.
Укре́пльшися, до́брая де́во, Кресто́м Го́спода твоего́, мучи́телей погуби́ла еси́ горды́ню, пострада́вши, му́ченице, му́жески, и от Христа́ прия́ла еси́ по́чести побе́ды, всему́драя Мари́но господоимени́тая, о на́с моля́щи, тя́ почита́ющих любо́вию.
Богоро́дичен:Стоя́ще о́крест Тебе́ де́вы богому́дрыя, Богороди́тельнице Мари́е, я́ко Цари́це ро́да, Твоему́ Сы́ну приведо́шася, женихоле́пно, Пречи́стая, я́ко Царю́ вся́ческих, Его́же, Ма́ти Де́во Отрокови́це, о на́с умоли́.
Акафист святой великомученице Марине
Конда́к 1.
Избра́нней Бо́гом от язы́ческаго ро́да, прему́дрой неве́сте Христо́вой, гра́да Антиохи́и засту́пнице небе́сней, благода́рственная воспису́ем ти́, моли́твенницы твои́, свята́я и многострада́льная великому́ченице Мари́но. Ты́ же, иму́щи дерзнове́ние ко Го́споду, от вся́ких бе́д, зо́л и боле́зней свобожда́й на́с, с любо́вию зову́щих:
Ра́дуйся, великому́ченице Мари́но, неве́сто Христо́ва всехва́льная.
И́кос 1.
А́нгелов Творе́ц, ве́дый благо́е произволе́ние твое́, свята́я му́ченице, яви́ тя́ за ве́ру Христо́ву непобеди́му страстоте́рпицу. Ты́ бо добро́тою телесе́ и красото́ю души́ просия́ла еси́ в дому́ отца́ твоего́ идолослужи́теля, оба́че, све́том благода́ти просвеще́нная, ве́ру и́стинную позна́ла еси́, оте́ческое нече́стие отри́нувши. Мы́ же, дивя́щеся таково́му о тебе́ Бо́жию смотре́нию, во умиле́нии серде́ц зове́м ти́:
Ра́дуйся, отрокови́це, Бо́гом избра́нная; ра́дуйся, от ю́ности доброде́тельным житие́м украше́нная.
Ра́дуйся, измла́да суету́ жи́зни земны́я презре́вшая; ра́дуйся, и́стинную му́дрость возлюби́вшая.
Ра́дуйся, кри́не де́вства, посреде́ те́рния язы́ческаго возраще́нная; ра́дуйся, от ма́лых ле́т благода́тию свы́ше осене́нная.
Ра́дуйся, свято́е целому́дрие и де́вство до́бре сохрани́вшая; ра́дуйся, во о́браз христиа́нским де́вам свы́ше пронарече́нная.
Ра́дуйся, Христа́ все́м се́рдцем возлюби́вшая; ра́дуйся, во́льная страда́ния за и́мя Его́ претерпе́вшая.
Ра́дуйся, Це́ркве Правосла́вныя пресве́тлое украше́ние; ра́дуйся, я́ко и́мя твое́ во все́м ми́ре христиа́нстем прославля́ется.
Ра́дуйся, великому́ченице Мари́но, неве́сто Христо́ва всехва́льная.
Конда́к 2.
Ви́дя благоле́пие лица́ твоего́, лю́дие дивля́хуся, не ве́дяще красоты́ души́ твое́й. Ты́ же, свята́я де́во, ми́ра многомяте́жие отве́ргши, к го́рнему возвела́ еси́ у́м тво́й и возжеле́ла еси́ венце́м му́ченическим украси́тися от возлю́бленнаго тобо́ю Жениха́ Христа́, воспева́ющи Ему́ ра́достно пе́снь: Аллилу́ия.
И́кос 2.
Ра́зум тво́й, не просвеще́н еще́ святы́м креще́нием, свята́я Мари́но, просвети́ Госпо́дь, науча́я тя́ сла́вити Еди́наго и И́стиннаго Бо́га, нечести́вый же роди́тель тво́й отрече́ся от тебе́, но не возмо́же отто́ргнути от ве́ры и́стинныя, в не́йже ты́ непоколеби́ма пребыва́ла еси́. Те́мже и на́с в доброде́телех ве́ры и любве́ укрепи́, зову́щих ти́:
Ра́дуйся, нра́в а́нгельский от младе́нчества стяжа́вшая; ра́дуйся, от ю́ности всю́ себе́ Бо́гу преда́вшая.
Ра́дуйся, благоуха́ние доброде́телей от ю́ности возлюби́вшая; ра́дуйся, красото́ю души́ и телесе́ мно́гих удиви́вшая.
Ра́дуйся, де́вственнице, ю́ным де́вам незри́мая помо́щнице; ра́дуйся, ро́да христиа́нскаго украше́ние.
Ра́дуйся, и́стины Ца́рствия Бо́жия уразуме́вшая; ра́дуйся, свы́ше избра́нная на по́двиг испове́дания Христа́.
Ра́дуйся, благоче́стие в себе́ воспита́вшая; ра́дуйся, и́дольскаго служе́ния пре́лесть обличи́вшая.
Ра́дуйся, блаже́нная, земны́м отце́м за ве́ру Христо́ву гони́мая; ра́дуйся, Небе́снаго Отца́ дщи́ честна́я.
Ра́дуйся, великому́ченице Мари́но, неве́сто Христо́ва всехва́льная.
Конда́к 3.
Си́лою свы́ше препоя́санная, возмогла́ еси́ победи́ти искуше́ние, егда́ гони́тель христиа́н епа́рх Оли́мврий удиви́ся красоте́ твое́й и возжела́ взята́ тя́ в жены́, словесы́ ласка́тельными убежда́я тя́ принести́ же́ртву и́долом. Ты́ же, сла́ву ми́ра сего́ презре́вши, испове́дала еси́ себе́ христиа́нку и отве́ргла еси́ жениха́ земна́го, Жениха́ безсме́ртнаго, Жизнода́вца Христа́, взыску́ющи. Таково́му дерзнове́нию твоему́ дивя́щеся, воспое́м укрепи́вшему тя́ Го́споду пе́снь: Аллилу́ия.
И́кос 3.
Иму́щи в се́рдце свое́м тве́рдую ве́ру во Христа́, я́ко овча́ на заколе́ние, привела́ся еси́ мучи́тельскому суди́щу, Мари́но пресла́вная, иде́же дерзнове́нно Вседержи́теля все́х Бо́га пропове́дала еси́ пред наро́дом и, си́лою Боже́ственною укрепля́ема, суде́й нечести́вых посрами́ла еси́. Приими́ у́бо от любве́ на́шея приноси́мыя тебе́ похвалы́:
Ра́дуйся, многобо́жия ле́сть обличи́вшая; ра́дуйся, и́стинныя ве́ры побо́рнице.
Ра́дуйся, от ю́ности идолослуже́ние презре́вшая; ра́дуйся, и́стинное богопочита́ние да́же до сме́рти возлюби́вшая.
Ра́дуйся, кроме́ Небе́снаго ино́го жениха́ зна́ти не восхоте́вшая; ра́дуйся, соблю́дшая чистоту́ де́вства твоего́.
Ра́дуйся, за́мыслы мучи́теля твоего́ Оли́мврия разсе́явшая; ра́дуйся, гне́ва его́ не убоя́вшаяся.
Ра́дуйся, голуби́це кро́ткая и страда́лице Христа́ ра́ди; ра́дуйся, Сы́ном Бо́жиим призва́нная в чу́дный све́т ве́ры и благода́ти Его́.
Ра́дуйся, доброде́тельным житие́м свои́м сосу́д Ду́ха Свята́го соде́лавшаяся; ра́дуйся, звездо́ светоза́рная, во Антиохи́и Бо́гом возжже́нная.
Ра́дуйся, великому́ченице Мари́но, неве́сто Христо́ва всехва́льная.
Конда́к 4.
Бу́рею я́рости одержи́м, безу́мный мучи́тель повеле́ те́ло твое́ лю́тым му́кам преда́ти, тогда́ ору́жие врага́ изнемо́же и кровьми́ твои́ми земля́ освяти́ся. Ты́ же, до́блественне претерпе́вши му́ки злы́я, взира́ющи на воздая́ние бу́дущее и возмога́ющи вся́ о Го́споде, со умиле́нием взыва́ла еси́ укрепи́вшему тя́ Христу́ Бо́гу: Аллилу́ия.
И́кос 4.
Слы́шав от тебе́ нечести́вый мучи́тель му́жественное испове́дание ве́ры Христо́вы, заключи́ тя́ в темни́цу, иде́же са́м кня́зь тьмы́ во о́бразе зми́я яви́ся, хотя́ устраши́ти тя́. Ты́ же, де́во чи́стая, непобеди́мою си́лою Креста́ укрепля́емая, ополче́ние самаго́ диа́вола отрази́ла еси́ и благода́ть прия́ла еси́ отгоня́ти ду́хи нечи́стыя и си́лу вра́жию сокруша́ти. Сего́ ра́ди и мы́, слы́шавше, ка́ко посрами́ся диа́вол, от де́вы побежда́ем, ра́достно вопие́м ти́ си́це:
Ра́дуйся, непра́ведному суди́щи дерзнове́нно предста́вшая; ра́дуйся, христиа́нку себе́ испове́давшая.
Ра́дуйся, всемо́щную си́лу благода́ти Христо́вы позна́вшая; ра́дуйся, зло́бы неве́рных не устраши́вшаяся.
Ра́дуйся, свята́я де́во, мучи́телей свои́х посрами́вшая; ра́дуйся, па́че си́льных муже́й крепча́йшая.
Ра́дуйся, темни́чное заключе́ние Христа́ ра́ди претерпе́вшая; ра́дуйся, си́лою Креста́ главу́ диа́вола сокруши́вшая.
Ра́дуйся, во пло́ти су́щи, безпло́тнаго врага́ попра́вшая; ра́дуйся, ко́зней диа́вола победи́тельнице.
Ра́дуйся, и́стинная Христо́вых Страсте́й прича́стнице; ра́дуйся, я́ко мзда́ твоя́ мно́га на Небесе́х.
Ра́дуйся, великому́ченице Мари́но, неве́сто Христо́ва всехва́льная.
Конда́к 5.
Боготе́чней звезде́ подо́бна была́ еси́, Мари́но, егда́, в темни́це заключе́нная, лику́ющи славосло́вила еси́ Христа́, Жениха́ своего́. Сего́ ра́ди удосто́и тя́ Госпо́дь ди́внаго виде́ния Креста́ и голуби́цы и исцели́ тя́ от все́х ра́н, ра́дость да́руя и на но́вый по́двиг укрепля́я. Те́мже мо́лим: уврачу́й ра́ны грехо́вныя все́х любо́вию чту́щих тя́ и воспева́ющих Бо́гу: Аллилу́ия.
И́кос 5.
Ви́дя епа́рх Оли́мврий святу́ю Мари́ну, изведе́ну из темни́цы, здра́ву и све́тлу, разъяри́ся зло́бою и па́ки предаде́ ю́ на му́ки, повеле́в пригвозди́ти на дре́ве и свеща́ми горя́щими пали́ти те́ло ея́. Оба́че о́гнь веще́ственный не возмо́же изнури́ти тя́, свята́я отрокови́це, огне́м бо любве́ Боже́ственныя озаря́ема и трие́м отроко́м подо́бящися, попра́ла еси́ о́гнь се́й. Те́мже нестерпи́маго огня́ ве́чнаго изба́ви все́х чту́щих тя́ и воспева́ющих та́ко:
Ра́дуйся, кро́вию свое́ю торжество́ ве́ры и́стинныя утверди́вшая; ра́дуйся, я́ко Са́м Госпо́дь свы́ше призре́ на твоя́ страда́ния.
Ра́дуйся, в темни́це ди́внаго виде́ния сподо́бившаяся; ра́дуйся, честны́й Кре́ст Го́спода твоего́ узре́вшая.
Ра́дуйся, я́звы Христо́вы на те́ле твое́м носи́вшая; ра́дуйся, от все́х я́зв те́х Го́сподем исцеле́нная.
Ра́дуйся, на по́двиг му́ченичества свы́ше укрепле́нная; ра́дуйся, Боже́ственным све́том осия́нная.
Ра́дуйся, огне́м земны́м Христа́ ра́ди опале́нная; ра́дуйся, Боже́ственным огне́м се́рдца на́ша возжига́ющая.
Ра́дуйся, велиа́ра лю́таго победи́вшая; ра́дуйся, я́ко си́лы а́дския трепе́щут сла́вы твоея́.
Ра́дуйся, великому́ченице Мари́но, неве́сто Христо́ва всехва́льная.
Конда́к 6.
Пропове́дница чуде́с и сла́вы Бо́жия яви́лася еси́, великому́ченице Мари́но, егда́ вве́рже тя́ в во́ду мучи́тель, повеле́в утопи́ти тя́ свя́зану. Тогда́ дарова́ Госпо́дь зна́мение всему́ наро́ду: возсия́ над главо́ю му́ченицы све́т несказа́нный, яви́ся сто́лп о́гненный с кресто́м и бе́лая голуби́ца с венце́м златы́м. И бы́сть гла́с свы́ше, глаго́ляй: ми́р тебе́, неве́сто Христо́ва Мари́но, ны́не же прии́меши вене́ц неувяда́емый от руки́ Госпо́дни и почие́ши в Ца́рствии Небе́снем. Сего́ ра́ди мы́ прославля́ем Бо́га, да́вшаго тебе́ благода́ть такову́ю, и пое́м Ему́: Аллилу́ия.
И́кос 6.
Возсия́ла еси́, я́ко светоза́рная звезда́, и Боже́ственною благода́тию отгна́ла еси́ многобо́жия тьму́, свята́я Мари́но, просвети́вши мно́гия лю́ди, и́же ви́деша чудеса́ Бо́жия, на тебе́ явле́нная; тогда́ вели́кое мно́жество муже́й и же́н уве́роваша во Христа́ и му́ченическую кончи́ну прия́ша, крестя́щеся кро́вию свое́ю. Просвети́ и на́с, о Мари́но, омраче́нных мгло́ю грехо́вною, и све́том невече́рним озари́ тя́ сла́вящих и пою́щих ти́ такова́я:
Ра́дуйся, в страда́ниих, я́ко зла́то в горни́ле, очи́стившаяся; ра́дуйся, тверде́йшая адама́нта в терпе́нии твое́м показа́вшаяся.
Ра́дуйся, язы́ческое служе́ние попра́вшая; ра́дуйся, си́лу Бо́жию пред нечести́выми пропове́довавшая.
Ра́дуйся, све́том Боже́ственным ду́ши собра́вшихся озари́вшая; ра́дуйся, к ве́ре и́стинней мно́гих приве́дшая.
Ра́дуйся, преди́вная побо́рнице ве́ры Христо́вы; ра́дуйся, путево́дная звездо́ все́м и́щущим спасе́ния.
Ра́дуйся, страда́нии свои́ми ко Христу́ люде́й возводя́щая; ра́дуйся, чуде́с Его́ пропове́днице.
Ра́дуйся, огне́м ре́вности по сла́ве Бо́жией горе́вшая; ра́дуйся, непоро́чная голуби́це, возлете́вшая в Небе́сныя оби́тели.
Ра́дуйся, великому́ченице Мари́но, неве́сто Христо́ва всехва́льная.
Конда́к 7.
Хотя́щим на́м просла́вите по́двиги твоя́ и чудеса́, великому́ченице пресла́вная, воспомина́ем слова́ псалмопе́вца, и́же дре́вле, Ду́хом Госпо́дним озаре́нный, проро́чески поя́ше: проидо́хом сквозе́ о́гнь и во́ду, и изве́л еси́ ны́ в поко́й. Ты́ же, свята́я Мари́но, де́лом сие́ испо́лнила еси́, я́ко огне́м и водо́ю искуше́на была́ еси́, и, врага́ неви́димаго порази́вши, вошла́ еси́ в черто́г Небе́сный со Христо́м, Женихо́м твои́м, пою́щи Ему́: Аллилу́ия.
И́кос 7.
Я́ко но́вое свети́ло на тве́рди небе́сней, возсия́ла еси́ всему́ христиа́нскому ро́ду, свята́я страда́лице Мари́но, егда́, во главу́ усече́нная, ду́шу свою́ предала́ еси́ Христу́, Жениху́ твоему́. Те́мже мы́, благогове́йне воспомина́юще страда́ния и по́двиги твоя́, с любо́вию зове́м ти́ си́це:
Ра́дуйся, ве́ру, наде́жду и любо́вь до конца́ сохрани́вшая; ра́дуйся, сме́рти теле́сныя не устраши́вшаяся.
Ра́дуйся, ра́достно за Главу́ Це́ркве, Христа́, под ме́ч главу́ свою́ приклони́вшая; ра́дуйся, вене́ц сла́вы из ру́к Го́спода прия́вшая.
Ра́дуйся, я́ко, муче́ния твоя́ зря́ще, мно́жество люде́й к Бо́гу обрати́шася; ра́дуйся, твоя́ бо кончи́на просвети́ умы́ помраче́нныя.
Ра́дуйся, сквозе́ о́гнь и во́ду муче́ний в поко́й небе́сный вше́дшая; ра́дуйся, стру́й ми́лости ве́рным излива́ющая.
Ра́дуйся, во успе́нии твое́м мно́гая и вели́кая чудеса́ сотво́ршая; ра́дуйся, цве́том неувяда́емым украше́нная на Небеси́.
Ра́дуйся, прему́драя ева́нгельская де́во, свети́льник горя́щий иму́щая; ра́дуйся, к му́ченическому во́инству сопричте́нная.
Ра́дуйся, великому́ченице Мари́но, неве́сто Христо́ва всехва́льная.
Конда́к 8.
Стра́нствие земно́е соверши́вши и пу́ть му́ченический проше́дши, страстоте́рпице свята́я Мари́но, водвори́лася еси́ в Ца́рстве Све́та, оба́че лю́ди, с любо́вию тебе́ моля́щияся, не оста́вила еси́, прия́ла бо еси́ благода́ть побежда́ти врага́ ро́да челове́ческаго и мно́гия неду́ги ду́ш и теле́с на́ших врачева́ти. Те́мже благода́рно тя́ сла́вим и Бо́гу, тя́ возвели́чившему, пое́м а́нгельскую пе́снь: Аллилу́ия.
И́кос 8.
Вся́ Небе́сныя си́лы возра́довашася, воспева́юще Бо́га, дарова́вшаго тебе́, свята́я Мари́но, таково́е му́жество и непоколеби́мую тве́рдость во испове́дании ве́ры Христо́вы. Те́м и по сме́рти честно́е те́ло твое́, нетле́нно сохране́нное, положе́но бы́сть Бо́жиим изволе́нием во гра́де Антиохи́и, источа́юще оби́лие чуде́с с ве́рою к твоему́ заступле́нию прибега́ющим и моли́твенно тебе́ взыва́ющим:
Ра́дуйся, нетле́нием моще́й сла́вно от Бо́га возвели́ченная; ра́дуйся, я́ко моще́й твои́х де́мони трепе́щут.
Ра́дуйся, я́ко честны́я мо́щи твоя́ во гра́де Антиохи́и мно́гими чудесы́ просла́вишася; ра́дуйся, те́ми бо и вели́кий Царьгра́д освяти́ся.
Ра́дуйся, я́ко честны́я мо́щи твоя́ доны́не Госпо́дь сохрани́ в земли́ Итали́йстей; ра́дуйся, я́ко благоволи́ Бо́г пренести́ десни́цу твою́ на Святу́ю Го́ру Афо́нскую.
Ра́дуйся, все́х правосла́вных христиа́н засту́пнице; ра́дуйся, ра́дости на́м и благода́ти ве́чныя хода́таице.
Ра́дуйся, пресла́вная чудотво́рице; ра́дуйся, огне́м моли́твы стре́лы вра́жия попаля́ющая.
Ра́дуйся, беды́ и печа́ли от лю́бящих тя́ отгоня́ющая; ра́дуйся, все́м призыва́ющим тя́ ско́рую по́мощь подаю́щая.
Ра́дуйся, великому́ченице Мари́но, неве́сто Христо́ва всехва́льная.
Конда́к 9.
Вси́ правове́рнии лю́дие росси́йстии пропове́дуют благода́тную твою́ по́мощь стране́ на́шей, от ле́т бо дре́вних и до ны́не отцы́ и ма́тери нарека́ют и́менем твои́м дще́рей свои́х, и ли́ка твоего́ изображе́ния чудесы́ просла́вишася в це́рквах на́ших. Те́мже тя́ по до́лгу ублажа́юще, пое́м тобо́ю чудоде́йствующему Бо́гу: Аллилу́ия.
И́кос 9.
Вети́и ми́ра сего́ не возмо́гут по достоя́нию восхвали́ти страда́ния и доброде́тели твоя́, великому́ченице Мари́но. Те́мже и мы́, недосто́йнии, воспе́ти жела́юще Влады́ку и Жизнода́вца, да́вшаго тебе́ кре́пость сама́го диа́вола не убоя́тися и мучи́телей победи́ти, мо́лим тя́, при́зри на сие́ воздыха́ние серде́ц на́ших и неотсту́пна бу́ди на́м помо́щница, вся́ блага́я да́рующи предста́тельством твои́м все́м пою́щим тебе́ та́ко:
Ра́дуйся, де́во, ра́йскою красото́ю сия́ющая; ра́дуйся, ли́лие благоуха́нная, благода́тию Бо́жиею возраще́нная.
Ра́дуйся, страстоте́рпице, вся́ у́зы и се́ти врага́ растерза́вшая; ра́дуйся, ма́слино благопло́дная, еле́й ми́лости оби́льно на́м источа́ющая.
Ра́дуйся, хра́ме непоро́чности и чистоты́; ра́дуйся, о спасе́нии гре́шных те́плая хода́таице у Отца́ Небе́снаго.
Ра́дуйся, су́щим в темни́цах и у́зах уте́шительнице; ра́дуйся, лю́дем, за Христа́ пострада́вшим, пу́ть к Не́бу показа́вшая.
Ра́дуйся, на ду́хи нечи́стыя вла́сть от Го́спода прие́мшая; ра́дуйся, в напа́стех вра́жиих ко Христу́ Бо́гу прибега́ти на́с науча́ющая.
Ра́дуйся, неду́гов лю́тых прогони́тельнице; ра́дуйся, боле́зней неисце́льных цели́тельнице.
Ра́дуйся, великому́ченице Мари́но, неве́сто Христо́ва всехва́льная.
Конда́к 10.
Спасти́ хотя́ все́х, благоизво́ли Госпо́дь святы́я мо́щи твоя́, великому́ченице Мари́но, сохрани́ти во утеше́ние все́м ве́рным, я́ко, от Восто́ка возсия́вши, ны́не в страна́х За́пада просвеща́еши все́х чту́щих тя́ и припа́дающих к цельбоно́сным моще́м твои́м, да твои́ми чудесы́ и моли́твами пробужда́ются лю́дие от жи́зни грехо́вныя к жи́зни святе́й, воспева́юще Творцу́ своему́ и Бо́гу: Аллилу́ия.
И́кос 10.
Стено́ю моли́тв твои́х, великому́ченице Мари́но, сохраня́й страну́ на́шу Росси́йскую, и вся́ ве́рныя, в не́й живу́щия и подвиза́ющияся, путе́м пра́вым во Ца́рствие Небе́сное руководи́, зане́ даде́ся тебе́ благода́ть моли́тися о лю́дех правосла́вных не то́кмо зе́мли Гре́ческия, но и во все́х страна́х христиа́нских. Сего́ ра́ди и от на́с с любо́вию приноси́мое благода́рное славосло́вие приими́:
Ра́дуйся, я́ко тобо́ю и́мя Христо́во в ми́ре прославля́ется; ра́дуйся, я́ко тобо́ю ве́рнии бла́г ве́чных сподобля́ются.
Ра́дуйся, се́ бо А́нгели с тобо́ю лику́ют на Небеси́; ра́дуйся, я́ко и челове́цы восхваля́ют тя́ на земли́.
Ра́дуйся, все́х правосла́вных на пу́ть спасе́ния направля́ющая; ра́дуйся, гре́шных на покая́ние наставля́ющая.
Ра́дуйся, от люде́й росси́йских с любо́вию прославля́емая; ра́дуйся, о стране́ на́шей пред Бо́гом и Пресвято́ю Богоро́дицею хода́таице.
Ра́дуйся, де́вам и жена́м росси́йским помо́щнице ми́лостивая богодарова́нная; ра́дуйся, о все́х лю́дех земли́ на́шея моли́твеннице усе́рдная.
Ра́дуйся, лю́бящим тя́ свято́ю любо́вию воздаю́щая; ра́дуйся, с Цари́цею Небесе́ и земли́ о все́м ми́ре моля́щаяся.
Ра́дуйся, великому́ченице Мари́но, неве́сто Христо́ва всехва́льная.
Конда́к 11.
Пе́ние Еди́ному и И́стинному Бо́гу принесла́ еси́, Мари́но, не то́чию сло́вом, но во́льным себе́ в же́ртву принесе́нием; подража́ющи бо распя́тому за ны́ Христу́, положи́ла еси́ ду́шу свою́ за ве́ру и́стинную и возлете́ла еси́, я́ко голуби́ца, во оби́тели Небе́сныя крила́ми чистоты́ и любве́ Боже́ственныя. Ны́не же со А́нгелы и все́ми святы́ми ра́дующися, воспева́еши Человеколю́бцу Бо́гу побе́дную пе́снь: Аллилу́ия.
И́кос 11.
Возсия́вши на́м, я́ко звезда́ многосве́тлая, мра́к де́монский твои́ми моли́твами отгоня́еши, свята́я великому́ченице Мари́но; те́мже мо́лим ти́ ся́: омраче́нная страстьми́ сердца́ на́ша просвети́ и благода́ть Боже́ственную пода́ждь, испроси́ на́м грехо́в оставле́ние у Всеми́лостиваго Бо́га, я́ко да ве́рою, ра́достию духо́вною и любо́вию зове́м ти́:
Ра́дуйся, Це́ркве Христо́вы пресве́тлая звездо́; ра́дуйся, свети́льниче, ми́р озаря́яй.
Ра́дуйся, в немерца́ющем све́те душе́ю пребыва́ющая; ра́дуйся, я́ко па́че луче́й со́лнечных благода́тию просия́ла еси́.
Ра́дуйся, я́ко све́том невеще́ственным ду́ши просвеща́еши; ра́дуйся, я́ко заблу́ждших на пу́ть и́стины наставля́еши.
Ра́дуйся, пред Престо́лом Госпо́дним лампа́до неугаси́мая; ра́дуйся, озари́вшая всю́ вселе́нную све́том по́двига твоего́.
Ра́дуйся, всесве́тлая, благода́тию, я́ко ри́зою све́та, облече́нная; ра́дуйся, Трисия́нным све́том озаре́нная.
Ра́дуйся, свеще́, Бо́гом возжже́нная; ра́дуйся, я́ко зри́ши ны́не све́т неизрече́нный.
Ра́дуйся, великому́ченице Мари́но, неве́сто Христо́ва всехва́льная.
Конда́к 12.
Благода́тию исполня́ется оби́тель Ватопе́дская, иму́щи сокро́вище неоску́дное, десни́цу твою́, великому́ченице Мари́но, от нея́же ми́ро Боже́ственное исцеле́ний ми́ру источа́ется, и отгоня́ются де́монстии полцы́ призыва́вшем и́мене твоего́ свята́го. Те́мже и на́с, па́мять твою́ све́тло пра́зднующих, благода́ти испо́лни моли́твами твои́ми, да воспое́м вку́пе со святого́рцы чуде́с пода́телю Бо́гу: Аллилу́ия.
И́кос 12.
Пою́ще Бо́га, ди́внаго во святы́х Свои́х, ублажа́ем тя́, неве́сто Христо́ва и великому́ченице Мари́но, почита́ем страда́ния твоя́, сла́вим долготерпе́ние и непобеди́мое му́жество, хва́лим му́ченическую кончи́ну твою́. Ты́ бо на земли́ си́лою Бо́жиею победи́ла еси́ сатану́, я́вльшагося пред очи́ма твои́ма, ны́не же, предстоя́щи Престо́лу Царя́ Сла́вы, моли́ся о на́с, да изба́вит Госпо́дь от де́йства диа́вольскаго и от вся́ких бе́д чту́щих святу́ю па́мять твою́ и воспева́ющих си́це:
Ра́дуйся, благода́тию Бо́жиею просла́вленная; ра́дуйся, в дому́ Отца́ Небе́снаго оби́тель себе́ сотвори́вшая.
Ра́дуйся, Христу́, Жениху́ твоему́, спострада́вшая; ра́дуйся, блаже́нства святы́х удосто́енная.
Ра́дуйся, де́в христиа́нских украше́ние; ра́дуйся, го́рняго ми́ра досто́йная обита́тельнице.
Ра́дуйся, испове́днице ве́ры во Христа́ неустраши́мая; ра́дуйся, с му́ченики и все́ми святы́ми ликовству́ющая.
Ра́дуйся, уго́днице Бо́жия, житию́ вели́ких святы́х соприча́стнице; ра́дуйся, я́ко со все́ми избра́нными Бо́жиими при́сно торжеству́еши.
Ра́дуйся, на Небеси́ со дерзнове́нием Бо́гу предстоя́щая; ра́дуйся, ди́вная все́м правосла́вным христиа́ном помо́щнице.
Ра́дуйся, великому́ченице Мари́но, неве́сто Христо́ва всехва́льная.
Конда́к 13.
Опреди́вная и чи́стая голуби́це, свята́я великому́ченице Мари́но, неве́сто Христо́ва всехва́льная, приими́ сие́ ма́лое моле́ние от лю́бящих тя́ и благоприя́тными твои́ми к Бо́гу моли́твами от вра́г ви́димых и неви́димых изба́ви, от вся́ких боле́зней душе́вных и теле́сных свободи́ и от ве́чнаго муче́ния твои́м хода́тайством сохрани́, да сподо́бимся с тобо́ю в ра́йских селе́ниих воспева́ти Бо́гу побе́дную пе́снь: Аллилу́ия.
Этот конда́к читается трижды, затем и́кос 1-й и конда́к 1-й.
И́кос 1.
А́нгелов Творе́ц, ве́дый благо́е произволе́ние твое́, свята́я му́ченице, яви́ тя́ за ве́ру Христо́ву непобеди́му страстоте́рпицу. Ты́ бо добро́тою телесе́ и красото́ю души́ просия́ла еси́ в дому́ отца́ твоего́ идолослужи́теля, оба́че, све́том благода́ти просвеще́нная, ве́ру и́стинную позна́ла еси́, оте́ческое нече́стие отри́нувши. Мы́ же, дивя́щеся таково́му о тебе́ Бо́жию смотре́нию, во умиле́нии серде́ц зове́м ти́:
Ра́дуйся, отрокови́це, Бо́гом избра́нная; ра́дуйся, от ю́ности доброде́тельным житие́м украше́нная.
Ра́дуйся, измла́да суету́ жи́зни земны́я презре́вшая; ра́дуйся, и́стинную му́дрость возлюби́вшая.
Ра́дуйся, кри́не де́вства, посреде́ те́рния язы́ческаго возраще́нная; ра́дуйся, от ма́лых ле́т благода́тию свы́ше осене́нная.
Ра́дуйся, свято́е целому́дрие и де́вство до́бре сохрани́вшая; ра́дуйся, во о́браз христиа́нским де́вам свы́ше пронарече́нная.
Ра́дуйся, Христа́ все́м се́рдцем возлюби́вшая; ра́дуйся, во́льная страда́ния за и́мя Его́ претерпе́вшая.
Ра́дуйся, Це́ркве Правосла́вныя пресве́тлое украше́ние; ра́дуйся, я́ко и́мя твое́ во все́м ми́ре христиа́нстем прославля́ется.
Ра́дуйся, великому́ченице Мари́но, неве́сто Христо́ва всехва́льная.
Конда́к 1.
Избра́нней Бо́гом от язы́ческаго ро́да, прему́дрой неве́сте Христо́вой, гра́да Антиохи́и засту́пнице небе́сней, благода́рственная воспису́ем ти́, моли́твенницы твои́, свята́я и многострада́льная великому́ченице Мари́но. Ты́ же, иму́щи дерзнове́ние ко Го́споду, от вся́ких бе́д, зо́л и боле́зней свобожда́й на́с, с любо́вию зову́щих:
Ра́дуйся, великому́ченице Мари́но, неве́сто Христо́ва всехва́льная.
Моли́тва.
О, свята́я де́во и великому́ченице Мари́но, и́стинная Жениха́ твоего́ Христа́ неве́сто, во гра́де Антиохи́и за ве́ру Христо́ву пострада́вшая, сквозе́ о́гнь и во́ду проше́дшая и в Ца́рствии Небе́снем водвори́вшаяся! Ты́ от ю́ности все́ю душе́ю и все́м се́рдцем возлюби́ла еси́ Христа́, Бо́га на́шего, Тому́ еди́ному послужи́ти жела́ющи. Ты́ си́лою благоче́стия своего́, целому́дрием и пра́ведностию просия́ла еси́, пожи́вши свя́то и непоро́чно посреде́ неве́рных. Ты́, благода́тию Бо́жиею от ра́н ди́вно исцеле́нная, изуми́ла еси́ мучи́телей твои́х и мно́гих неве́рных привела́ еси́ к позна́нию И́стиннаго Бо́га. Ты́ си́лою Бо́жиею попра́ла еси́ диа́вола, я́вльшагося пред очи́ма твои́ма, и благода́ть прия́ла еси́ во бра́ни врага́ ро́да челове́ческаго побежда́ти. Ты́ еси́ всея́ Це́ркве Христо́вы свети́льник пресве́тлый, те́плая к Бо́гу моли́твенница и все́м прибега́ющим к тебе́ с ве́рою ско́рая засту́пница. О свята́я Мари́но, руководи́ на́с к Небе́сному Оте́честву, пода́ждь на́м ре́вность о спасе́нии, напра́ви стопы́ на́ша к де́ланию за́поведей Христо́вых, на пу́ть по́двига духо́внаго и исправле́ния жи́зни. Помина́й на́с моли́твою твое́ю, помози́ все́м на́м жи́ти целому́дренно, пра́ведно и благочести́во. Услы́ши ны́, страстоте́рпице Христо́ва, и умоли́ Человеколю́бца Бо́га, да пода́ст О́н хода́тайством твои́м Оте́честву на́шему ми́р и благоустрое́ние, все́м правосла́вным христиа́ном утвержде́ние в ве́ре, благоче́стии и чистоте́, да укрепи́т в на́с бра́тскую любо́вь, да очи́стит на́с, гре́шных, от скве́рны и поро́ков, да сохрани́т на́с от де́йства вра́жия, и поми́лует Свое́ю благода́тию, и Ца́рствия Небе́снаго насле́дники соде́лает, иде́же ку́пно с тобо́ю просла́вим ди́внаго во святы́х Свои́х Бо́га, Отца́ и Сы́на и Свята́го Ду́ха, всегда́, ны́не и при́сно, и во ве́ки веко́в. Ами́нь.
Преподобная Марина Берийская
Эта подвижница жила в IV в. в городе Берии (или, по-другому, Верии) неподалеку от Антиохии.
Войдя в возраст, св. Марина, совместно с сестрою Кирой, покинули роскошный родительский дом, где пребывали в комфорте и полнейшем довольствии, и отправилась в странствие. Найдя уединенную пещеру, они решили подвизаться в ней: заделали вход глиной и каменьями, оставив лишь небольшое отверстие, через которое получали немного пищи.
В дни Пятидесятницы св. Марина вела благие беседы с приходившими к пещере женщинами. Голоса же ее сестры никогда не было слышно.
Терпеливо переносили подвижницы голод. Их прекрасные тела облачены были в грубые покрывала, закутывавшие угодниц с головы до самых пят. Под ними носили они кованные вериги столь тяжелые, что хрупкого сложения Кира склонялась под их весом до земли.
Интересный факт
За столь тяжкий подвиг, превышающий девичьи силы, хрупкой угоднице Божией Кире дарована благодать излечивать верующих от болезней позвоночника.
Блж. Феодорит Кирский, посетивший праведниц в затворе, свидетельствовал, что они к моменту встречи с ним, прожили в отшельничестве уже 42 года. Но, несмотря на долгие труды, они были бодры и радостны, укрепленные силою Божиего Духа.
Угодницы стали добродетельным образцом христианок для прочих. Их житие повествует, что на протяжении 3-х летнего периода они принимали пищу лишь единожды за 40 дней. Со временем неподалеку от них поселились и другие женщины, также решившие оставить мир суетных забот и посвятить себя подвижничеству.
Дважды покидали свв. Марина и Кира свое каменное пристанище: когда ходили на поклонение местам святым в Иерусалим и во время путешествия в Исаврию, к усыпальнице
св. Феклы
. Весь путь не вкушали они никакой пищи, принимая ее только после поклонения святыням. Хранили праведницы пост и на пути обратном, занимавшем в ту пору около 3-х седмиц.
Почили угодницы ок. 450 г.
О чем молятся святой Марине Берийской?
Этой угоднице возносят прошения о преодолении всяческих страстей греховных. Особенно чревоугодия и уныния.
Чтут ее и как покровительницу путешествующих, заботящуюся о благополучном пути всех притекающих к ней.
Молитва святой Марине Берийской
Моли Бога о мне, святая угодница Божия Марино, яко аз усердно к тебе прибегаю, скорому помощнику и молитвеннику о душе моей.
О, преславная мати, скорая наша помощнице и заступнице и неусыпная о нас молитвеннице! Предстояще чистому образу твоему и тя, яко живу сущу, зряше, припадающе молимся тебе: приими прошения наша и принеси я ко престолу милосерднаго Отца Небеснаго, яко дерзновение к Нему имущая; испроси притекающим к тебе и всем православным христианам вечное спасение и временное благоденствие, от всяких бед и скорбей скорое избавление. Ей, чадолюбивая мати наша, тебе, предстоящей престолу Божию, ведомы нужды наша духовныя и житейския, призри на ны матерним оком, и твоими молитвами отврати от нас колебания всяким ветром учения, злых и богопротивных обычаев умножение; утверди же во всех веры согласное ведение, взаимную любовь и единомыслие, да всем, и Его словесы, и писании, и делами, славится среди нас всесвятое имя Отца и Сына и Святаго Духа, Единаго Бога, в Троице поклоняемого, Емуже честь и слава во веки веков. Аминь.
Канон общий преподобной жене
(Из сборника канонов святым женам
М., «Даниловский Благовестник»)
Тропарь общий преподобной
В тебе мати, известно спасеся еже по образу, приимши бо крест, последовала еси Христу, и деющи учила еси презирати убо плоть, преходит бо, прилежати же о души вещи безсмертней. Темже и со Ангелы срадуется, преподобная, имярек, дух твой. (Дважды.)
Слава, и ныне, Богородичен:Иже нас ради рождейся от Девы, и распятие претерпев Благий, испровергий смертию смерть, и воскресение явлей яко Бог, не презри яже создал еси рукою Твоею, яви человеколюбие Твое, Милостиве, приими рождшую Тя Богородицу молящуюся за ны, и спаси, Спасе наш, люди отчаянныя.
Затем: Псалом 50
Песнь 1
Ирмос:Колесницегонителя фараоня погрузи, чудотворяй иногда Моисейский жезл, крестообразно поразив и разделив море, Израиля же беглеца, пешеходца спасе, песнь Богови воспевающа.
Припев: Преподобная мати, имярек, моли Бога о нас. (Поклон.)
Страстными мя бурями всюду погружаема, и помышлений молвою душу мою колеблему, ко пристанищу тихому Христовы воли, молитвами твоими, преподобная, имярек, направи, яко да достойно тя воспою.
Девственными добротами просвещена, богоблаженная, имярек, чистому Слову уневестилася еси, поживши пощением божественне, и Того живоносным стопам последовала еси, умерщвление страстей претерпевши.
Слава:Божественных отец наказанию последовала еси славная, имярек, и сих нраву чисте поревновала еси, воздержанием яко безплотна, и чистотою и девством поживши, преподобная, и истинным смирением.
И ныне:Божественную ручку и трапезу, хлеб животный понесшую, неделанную ниву, гору святую, Богородицу Деву песньми славим.
Моли Бога о нас, преподобная мати, имярек, яко мы усердно к тебе прибегаем, скорой помощнице и молитвеннице о душах наших. (Поклон.)
Песнь 3
Ирмос:Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, едине Человеколюбче.
В небесныя чертоги светозарныя вселилася еси, невеста избранна бывши Вседержителю, исцеления реки источаеши, имярек, страстная нам течения изсушающи.
Украсилася еси желанием крайним желающи Христа, премножеством благосердия, плотию обнищавшаго, и последовала еси животным Его словесем, житейская вся красная возненавидевши.
Слава:Позлащенне криле добродетели стяжавши, на высоту небесную возлетела еси блаженная, имярек, яко голубица нетленная.
Род спасеся, Дево, человеческий благодатию обнищавшаго плотию, из чрева Твоего неизреченно; темже чтим Тя, и благочестно ублажаем, Пречистая Дево Богорадованная.
Моли Бога о нас, преподобная мати, имярек, яко мы усердно к тебе прибегаем, скорой помощнице и молитвеннице о душах наших. (Поклон.)
Господи помилуй. (Трижды.)
Седален
Красотами явилася еси девственно преукрашаема, постнических священных подвиг, яко невеста непорочная Дева Христова, и с Ним в нетленный вошла еси чертог, и красот Его наслаждаешися. Но моли спастися нам от всякия беды, любовию поющим тя.
Слава, и ныне, Богородичен:Чистая всенепорочная, и неискусобрачная, едина безлетнаго Сына и Слово Божие в лете рождшая, Того со святыми и честными апостолы, мученики и пророки, и преподобными моли, даровати нам очищение, и велию милость.
Песнь 4
Ирмос:Услышах, Господи, смотрения Твоего таинство, разумех дела Твоя, и прославих Твое Божество.
Светлое твое торжество, светом сияющее Божия Духа, озаряет души наша верою поющих тя, имярек, преподобная.
Чудесы божественными уверила еси неведущих Владыку, и к познанию Его возвратила еси, прелести тьму оставльших.
Слава:Дары Христу принесла еси, чистое умерщвление удов, и труды воздержания, и противу прияла еси Небесное Царство, имярек, и вечнующее наслаждение.
И ныне:Смиривши спаси мя, высокомудрием живущаго, рождшая вознесшаго смирившееся естество наше, Пречистая.
Моли Бога о нас, преподобная мати, имярек, яко мы усердно к тебе прибегаем, скорой помощнице и молитвеннице о душах наших. (Поклон.)
Песнь 5
Ирмос:Утренююще вопием Ти: Господи, спаси ны, Ты бо еси Бог наш, разве Тебе иного не вемы.
Руце твои преподобно воздвизаеми к Зиждителю, мати, имярек, низложиша вражия шатания.
Удержав руку твою десную Вышний, наставил тя есть, мати, к небесному Своему наслаждению.
Слава:Стезю тесную прошедши в пощении, к широте приспела еси райстей, имярек, всечестная.
И ныне:Иже Богородицу Тя неведущии, Богомати, Света не имут видети, рождшагося из Тебе, Пречистая.
Моли Бога о нас, преподобная мати, имярек, яко мы усердно к тебе прибегаем, скорой помощнице и молитвеннице о душах наших. (Поклон.)
Песнь 6
Ирмос:Ризу мне подаждь светлу, одеяйся светом яко ризою, многомилостиве Христе Боже наш.
Умертвивши двизания плотская, над страстьми вельми воцарилася еси, и ныне, всечестная, имярек, в безстрастных живеши светлостех.
Образу Спасову навыкла еси покланятися, славная, делы и словесы твоими спасительная Его соблюдающи учения.
Слава:Облак тя Христос показа, мати, имярек, дождь источающий животный, верою просящим у тебе, преславная.
И ныне:Красен паче всех человек, Сын Твой, Пречистая, добротою Божества, аще и плоть бысть нас ради.
Моли Бога о нас, преподобная мати, имярек, яко мы усердно к тебе прибегаем, скорой помощнице и молитвеннице о душах наших. (Поклон.)
Господи помилуй. (Трижды.) Слава, и ныне.
Кондак
За любовь Господню, преподобная, покоя желание возненавидела еси, пощением дух твой просветивши, крепко бо звери победила еси, но молитвами твоими противных шатание разори.
Икос
Струи мне слова даждь, Боже мой, и источник благочиния сотвори мой ум, и благослови язык мой, да воспою Твою агницу, юже венчал еси Ты благостию Твоею; аще бо Сам не даси ми слова достойнаго, како принесу дар нищий, богатней в словесех и деяниих? Тем подаждь ми силу, исповедати ея натрижнения, крепко бо звери победила есть. Но молитвами ея противных шатание разори.
Песнь 7
Ирмос:Отроцы еврейстии в пещи попраша пламень дерзновенно, и на росу огнь преложиша, вопиюще: благословен еси, Господи Боже, во веки.
О доброте тлеющей, имярек, преподобная небрегла еси, смотряющи тамо сущая воздаяния и свет, и славу Божию нестареющуюся и красоту, и божественное селение.
Мир пременила еси тлеющий премирным животом нестареющим, и временную пищу пребывающим существом, и плотскаго обручника Небесным Женихом.
Слава:Разум боголюбив стяжала еси, имярек, с плотию ангелом уподобилася еси, бдящи тепле любовию, и поющи: благословен еси, Господи Боже, во веки.
И ныне:Виждь скорбь мою, Дево, юже ми наведе множество зол моих, и родства огненнаго исхити мя, вопиющаго: благословен еси, Господи Боже, во веки.
Моли Бога о нас, преподобная мати, имярек, яко мы усердно к тебе прибегаем, скорой помощнице и молитвеннице о душах наших. (Поклон.)
Песнь 8
Ирмос:Богоглаголивии отроцы, в пещи со огнем пламень попирающе, пояху: благословите, дела Господня, Господа.
Украшена сиянием чистоты, и чистым житием просвещена мати, предстоиши Жениху твоему, Христу Богу нашему.
Болезни различныя уврачует человеков, и прогонит бесовския пакости, тело твое святое, преподобная, во гробе преславно сокрываемое.
Слава:Священна жертва принеслася еси, и приношение светлое, преподобная мати, имярек, яко кадило благоуханное, всех Владыце Христу Богу нашему.
И ныне:Без истления Слова паче словесе родила еси, тления всякаго нас избавляющаго: сего ради Тя, Дево, верою величаем.
Моли Бога о нас, преподобная мати, имярек, яко мы усердно к тебе прибегаем, скорой помощнице и молитвеннице о душах наших. (Поклон.)
Песнь 9
Ирмос:Устрашися всех слух неизреченна Божия снизхождения, яко Вышний волею сниде даже и до плоти, от девическаго чрева быв Человек. Темже Пречистую Богородицу, вернии, величаем.
Припев:Преподобная мати, имярек, моли Бога о нас. (Поклон.)
Возжелела еси доброту мысленную Жениха, и чисто возлюбила еси Его. Где почиваеши? где ли пасеши? — тепле вопияла еси, да почию у Тебе, и в Твоих светлостех наслаждуся, величающи Твою благость.
Разум имела еси в твоей души, и смирение, и божественную кротость, веру несумненну, и надежду, и любовь, юже к Богу, всенощными молитвами приближающися Ему, и тамо сущими светлостьми блаженная, имярек, озаряема и просвещаема.
Слава:Собрашася днесь людие, хвалами возвеличити Господа, возвеличившаго твое святое торжество сие, в немже поминай нас поминающих тя, предстоящи Христу Жениху твоему, преподобная, имярек, и всечестная.
И ныне:Пощади мя, Боже, рождейся от Девы, и сохранив рождшую Тя нетленну по рождестве, егда сядеши судити дела моя, беззакония и грехи моя презри, яко безгрешен и милостив Бог, и человеколюбец.
Моли Бога о нас, преподобная мати, имярек, яко мы усердно к тебе прибегаем, скорой помощнице и молитвеннице о душах наших. (Поклон.)
Тропарь общий преподобной
В тебе мати, известно спасеся еже по образу, приимши бо крест, последовала еси Христу, и деющи учила еси презирати убо плоть, преходит бо, прилежати же о души вещи безсмертней. Темже и со Ангелы срадуется преподобная, имярек, дух твой.
Кондак
Слава:За любовь Господню, преподобная, покоя желание возненавидела еси, пощением дух твой просветивши, крепко бо звери победила еси, но молитвами твоими противных шатание разори.
И ныне, Богородичен:Вся паче смысла, вся преславная Твоя, Богородице, таинства, чистоте запечатанной, и девству храниму, Мати позналася еси неложна, Бога рождши истиннаго, Того моли спастися душам нашим.
Частые вопросы
В чем помогает святая Марина?
Святая Марина, подает исцеление в болезнях, помогает в преодолении греховных навыков и привычек, спасает от голода, сохраняя посевы от разгула стихий: града, ураганов, засухи, от нападений саранчи, гусениц и других насекомых.
Какая икона для имени Марина?
Икона «Святая Великомученица Марина (Маргарита) Антиохийская» – это именная подарочная икона. Молитвы к ней помогают быстрее всего её тёзкам.
Что означает имя Марина в православии?
Имя Марина в переводе с латинского означает «Морская».
Полезные советы
СОВЕТ №1
При чтении акафиста, канона или молитвы святой Марине, попробуйте сосредоточиться на каждом слове и каждой фразе, чтобы глубже погрузиться в молитвенный опыт.
СОВЕТ №2
После молитвы святой Марине, возможно, почувствуете внутренний покой или ответ на свои молитвы. Не спешите, дайте себе время осознать и принять эти духовные ощущения.
Святая Марина в православной и католической церкви
Святая Марина
Святая Марина, или Маргарита, является одной из наиболее почитаемых святых как в православной, так и в католической церкви. В православии она считается покровительницей беременных женщин, а также заступницей перед Богом во время болезней и бедствий. Ее житие описывает историю ее жизни и мученической кончины.
В православной церкви праздник святой Марины отмечается 17 июля, а в католической – 20 июля. В христианской иконографии святая Марина изображается с драконом, символизирующим зло, которое она победила своей верой.
Молитвы к святой Марине обращаются с просьбами о защите от болезней, невзгод и бедствий, а также о помощи в решении семейных проблем. В православной церкви часто читается акафист святой Марине, который содержит молитвы и поклоны перед ее иконой.
Католическая церковь также чтит святую Марину как заступницу в трудных ситуациях и проблемах. В католической традиции существует ряд молитв и обрядов, связанных с поклонением святой Марине.
Таким образом, святая Марина занимает важное место в духовной жизни верующих как в православной, так и в католической церкви, являясь образцом веры, мужества и преданности Богу.
