Воспитание детей в благочестии – одна из важнейших задач для каждого родителя. Акафист иконе Божией Матери “Воспитание” предлагает нам молитвенную поддержку и направление в этом нелегком деле. В данной статье мы рассмотрим текст акафиста на русском языке, узнаем, как и когда его читать, погрузимся в историю образа Богородицы “Воспитание” и раскроем его глубокое духовное значение.
Акафист Пресвятой Богородице пред иконой «Воспитание»
Текст утвержден Священным Синодом Русской Православной Церкви
29 декабря 2017 года (журнал № 131)
Конда́к 1
Взбра́нной Воево́де и усе́рдней Воспита́тельнице ро́да христиа́нскаго, я́ко изба́вльшеся от злы́х, благода́рственная воспису́ем Ти́ раби́ Твои́, Богоро́дице, но я́ко иму́щая держа́ву непобеди́мую, от вся́ких бе́д на́ших ча́д свободи́, да зове́м Ти́:
Ра́дуйся, блага́я Воспита́тельнице, воспита́нная во Свята́я святы́х.
И́кос 1
А́нгела с Небесе́ посла́ти ча́дом на́шим исхода́тайствуй, Пресвята́я, у Сы́на Твоего́ и Бо́га на́шего, я́коже и Тебе́ по́слан бы́сть Гаврии́л арха́нгел, и сподо́би ны́ взыва́ти Тебе́ си́це:
Ра́дуйся, рожде́нием Свои́м роди́телей обра́довавшая; ра́дуйся, со слеза́ми мно́гими у Бо́га испро́шенная.
Ра́дуйся, моли́твы и поста́ све́тлое прозябе́ние; ра́дуйся благочести́выя жи́зни кра́сный пло́де.
Ра́дуйся, от младе́нства свята́го послуша́ния испо́лненная; ра́дуйся благоче́стием от сосца́ ма́тере напое́нная.
Ра́дуйся, любве́ всесве́тлое Жили́ще; ра́дуйся, ми́лостей Госпо́дних Сокро́вище.
Ра́дуйся, блага́я Воспита́тельнице, воспита́нная во Свята́я святы́х.
Конда́к 2
Ви́дящи на́ше сле́зное роди́тельское моле́ние, умилосе́рдися, Влады́чице, о ча́дех на́ших, возми́ и́х под Сво́й честны́й и благосве́тлый покро́в, да воззову́т в весе́лии Бо́гу: Аллилу́иа.
И́кос 2
Ра́зум ча́дом на́шим низпосли́, е́же ка́ко до́бре Ти́ послужи́ти, и напо́лни сердца́ и́х прему́дростию небе́сною, подаю́щи еди́ну ю́ возлюби́ти, земно́е же презре́ти, и не возбрани́ усто́м на́шим взыва́ти такова́я:
Ра́дуйся, де́тство Свое́ при хра́ме прове́дшая; ра́дуйся, во Свята́я святы́х возше́дшая.
Ра́дуйся, еди́ному Бо́гу посвяще́нная; ра́дуйся, моли́вшаяся Ему́ де́нь и но́щь.
Ра́дуйся, чистоту́ и целому́дрие измла́да возлюби́вшая; ра́дуйся, смире́ние Свое́ всеусе́рдно охраня́вшая.
Ра́дуйся, моли́твою к Бо́гу при́сно пламене́вшая; ра́дуйся, Похвало́ и Ра́досте роди́телей святы́х.
Ра́дуйся, блага́я Воспита́тельнице, воспита́нная во Свята́я святы́х.
Конда́к 3
Си́ла Вы́шняго да осени́т ча́да на́ша Твоего́ ра́ди неусы́пного предста́тельства за ни́х пред Сы́ном Твои́м, да позна́вше Твое́ Ма́тернее милосе́рдие ко все́м с ве́рою притека́ющим к Тебе́, воззову́т Бо́гу: Аллилу́иа.
И́кос 3
Иму́ще от Бо́га ча́д на́ших, не хо́щем зре́ти и́х в гее́нне о́гненней пребыва́ющих, но напи́санных в кни́зе живо́тней. Сего́ ра́ди, Пречи́стая Де́во, приклони́ся ко гла́су моле́ния на́шего, взыва́ющу Тебе́:
Ра́дуйся, Ма́ти Бо́га и Сло́ва; ра́дуйся Свята́я святы́х бо́льшая.
Ра́дуйся, Воспита́тельнице Сы́на Бо́жия; ра́дуйся, Корми́лице Го́спода си́л.
Ра́дуйся, я́ко ражда́еши Спаси́теля ми́ра; ра́дуйся, я́ко расти́ши Изба́вителя плене́нным.
Ра́дуйся, я́ко но́сиши Наста́вника заблу́ждшим; ра́дуйся, я́ко Сы́н Тво́й Госпо́дь.
Ра́дуйся, блага́я Воспита́тельнице, воспита́нная во Свята́я святы́х.
Конда́к 4
Бу́рю ви́дяще собла́знов многоразли́чных, умно́жившихся, я́ко пе́сия му́хи и скни́пы, в преде́лех на́ших, к Тебе́, Благода́тная, взыва́ем о ча́дех свои́х, да избе́гнут си́х и вопию́т Бо́гу: Аллилу́иа.
И́кос 4
Слы́шаще гла́с Тво́й, глаго́лющий Сы́ну Твоему́: Приими́ вся́каго моля́щагося Тебе́ и призыва́юща и́мя Мое́ на по́мощь,– простира́ем ру́це на́ша на моли́тве к Твоему́ милосе́рдию, да во́змеши ча́д на́ших под покро́в Сво́й и испо́лниши проше́ния на́ша такова́я:
Ра́дуйся, от уны́ния зла́го ча́д на́ших избавля́ющая; ра́дуйся, от безу́мнаго весе́лия и́х огражда́ющая.
Ра́дуйся, в несе́нии креста́ и́х укрепля́ющая; ра́дуйся, в по́двизех благоче́стия и́х утвержда́ющая.
Ра́дуйся, под покро́вом Твои́м ми́лостиво и́х сохраня́ющая; ра́дуйся, здра́вие ду́ш и теле́с и́м подава́ющая.
Ра́дуйся, усе́рдная Наста́внице целому́дрия; ра́дуйся, ми́лостивая Взыска́тельнице заблу́ждших.
Ра́дуйся, блага́я Воспита́тельнице, воспита́нная во Свята́я святы́х.
Конда́к 5
Боготе́чная Звезда́ у́тренняя, Сы́н Тво́й, Пресвята́я Де́во, да возсия́ет све́том невече́рним в сердца́х ча́д на́ших, во е́же воззва́ти и́м Бо́гу: Аллилу́иа.
И́кос 5
Ви́дящи на́ше приле́жное моле́ние, не отврати́ лица́ Твоего́ от ча́д на́ших, а́ще и отвратя́тся от Тебе́, и услы́ши глаго́лы у́ст на́ших, вопию́щих такова́я:
Ра́дуйся, я́ко науча́еши ча́д на́ших име́ти ра́зум на до́брое; ра́дуйся, на пути́ греха́ и́х запина́ющая.
Ра́дуйся, пра́во ше́ствовати и́х наставля́ющая; ра́дуйся, от лука́вства злы́х челове́к и́х огражда́ющая.
Ра́дуйся, в злострада́нии и́х укрепля́ющая; ра́дуйся, благодари́ти Бо́га за вся́ науча́ющая.
Ра́дуйся, блага́я Хода́таице при́сно о ча́дех на́ших к Сы́ну Своему́; ра́дуйся, Спору́чнице и́х пред Творцо́м и Бо́гом.
Ра́дуйся, блага́я Воспита́тельнице, воспита́нная во Свята́я святы́х.
Конда́к 6
Пропове́дует ве́сь ми́р христиа́нский Твое́ всегда́шнее заступле́ние о моля́щихся Тебе́. Си́це и ны́не услы́ши многоболе́зненное сие́ роди́тельское моле́ние о ча́дех на́ших, во е́же зва́ти им Бо́гу: Аллилу́иа.
И́кос 6
Да возсия́ет луча́ благода́ти в душа́х ча́д на́ших, и, просвеще́нии Тобо́ю, у́зрят пу́ть, веду́щий в живо́т ве́чный, и после́дуют и́м, сохраня́еми под Твои́м всемогу́щим покро́вом. Сего́ ра́ди услы́ши ны́, зову́щия Ти́ такова́я:
Ра́дуйся, роди́телей на любо́вь бла́гу к ча́дом свои́м подвиза́ющая; ра́дуйся, сердца́ ча́д, во е́же роди́телей свои́х чти́ти, умиля́ющая.
Ра́дуйся, прося́щим подаю́щая ра́зум; ра́дуйся, ве́рных озаря́ющая смы́слы.
Ра́дуйся, все́х скорбя́щих Ра́досте; ра́дуйся, Умягче́ние злы́х серде́ц.
Ра́дуйся, Отра́до и Утеше́ние; ра́дуйся, Прибавле́ние ума́.
Ра́дуйся, блага́я Воспита́тельнице, воспита́нная во Свята́я святы́х.
Конда́к 7
Хотя́ще ча́дом на́шим ве́чнаго спасе́ния, со слеза́ми предстои́м пред честно́ю Твое́ю ико́ною, Влады́чице, да не пре́зриши моле́ния на́шего, зову́ще Сы́ну Твоему́: Аллилу́иа.
И́кос 7
Но́вую покажи́ ми́лость на ча́дех на́ших, Влады́чице, и неизсле́димыми судьба́ми Сы́на Твоего́ привлецы́ и́х под Сво́й благода́тный покро́в, да усе́рдно зове́м Ти́:
Ра́дуйся, Воспита́ние ча́д на́ших, во е́же огражде́нным и́м бы́ти му́ки ве́чныя; ра́дуйся, Воспита́ние ча́д на́ших, во е́же насле́довати и́м блаже́нство непрестаю́щее.
Ра́дуйся, Пробужде́ние со́вести ча́д на́ших на покая́ние; ра́дуйся, пита́ющая и́х плода́ми добротолю́бия.
Ра́дуйся, премилосе́рдая Уте́шительнице все́х скорбя́щих и обремене́нных; ра́дуйся, неусыпа́ющая Наста́внице все́х заблу́ждших и ослепле́нных.
Ра́дуйся, Судии́ пра́веднаго умоле́ние; ра́дуйся, мно́гих согреше́ний проще́ние.
Ра́дуйся, блага́я Воспита́тельнице, воспита́нная во Свята́я святы́х.
Конда́к 8
Стра́нствующе в юдо́ли се́й многоско́рбней по мо́рю многомяте́жному страсте́й, ча́да на́ша где́ обря́щут тве́рдое приста́нище, а́ще не в Тебе́, Пречи́стая? Спутеше́ствуй же и́м и наста́ви и́х на пу́ть и́стинный, да зову́т Бо́гу: Аллилу́иа.
И́кос 8
Все́м еси́ Ма́ти ми́лующая, Пречи́стая Де́во, я́коже Христо́с Спаси́тель рече́ Тебе́, у креста́ Его́ предстоя́щей: Се́, сы́н Тво́й, — указу́я на избра́ннаго от челове́к. Сего́ ра́ди вруча́ем ча́да на́ша в ру́це Твои́ и во смире́нии зове́м Ти́:
Ра́дуйся, ча́д на́ших благосе́рдая Путеводи́тельнице; ра́дуйся, те́рния грехо́вных страсте́й милосе́рдая Искорени́тельнице.
Ра́дуйся, отра́ду в пусты́не греха́ подаю́щая; ра́дуйся, в мину́ту ско́рби утеша́ющая.
Ра́дуйся, в зе́млю обетова́ния путево́дствующая; ра́дуйся, на воде́ упокое́ния веселя́щая.
Ра́дуйся, соверше́нный Ра́зуме наста́вников и детоводи́телей; ра́дуйся, Благослове́ние домо́в и семе́йств благочести́вых.
Ра́дуйся, блага́я Воспита́тельнице, воспита́нная во Свята́я святы́х.
Конда́к 9.
Вся́каго бла́га испо́лни сердца́ и ду́ши ча́д на́ших, отгоня́ющи от ни́х ду́ха злосмра́днаго безбо́жия, нече́стия и блудоде́йства, госпо́дствующа в ми́ре се́м. Сохрани́ рабо́в Твои́х в чистоте́ и целому́дрии, да взыва́ют во умиле́нии Бо́гу: Аллилу́иа.
И́кос 9
Вити́й суему́дренных, лжу́щих на Твое́ всемо́щное заступле́ние, отжени́, Ма́ти Бо́жия, от ча́д на́ших, да не попо́лзнутся умо́м в душетле́нная уче́ния и не обратя́тся се́рдцем в по́хоти безме́стныя, но при́зри на ны́, ве́рно вопию́щия:
Ра́дуйся, до́брым нра́вом ча́д на́ших науча́ющая; ра́дуйся, от злы́х на́выков и́х избавля́ющая.
Ра́дуйся, му́дрых наста́вников Твои́м рабо́м посыла́ющая; ра́дуйся, от худы́х соо́бществ и́х отвраща́ющая.
Ра́дуйся, благо́му уче́нию внима́ти призыва́ющая; ра́дуйся, суе́тные ба́сни презира́ти помога́ющая.
Ра́дуйся, Бо́жие ко гре́шным благоволе́ние; ра́дуйся, ка́ющихся пред Го́сподем кре́пкое заступле́ние.
Ра́дуйся, блага́я Воспита́тельнице, воспита́нная во Свята́я святы́х.
Конда́к 10
Спасти́ хотя́ ми́р, Христо́с Бо́г призва́ не пра́ведники, но гре́шники на покая́ние. Сего́ ра́ди моли́ся Сы́ну Твоему́ о ча́дех на́ших, а́ще и отъи́дут в страну́ дале́че, оба́че, взыска́ннии Твои́м Ма́терним заступле́нием, возвратя́тся в сокруше́нии се́рдца к Отцу́ Небе́сному и воззову́т Ему́: Аллилу́иа.
И́кос 10
Стено́ю несокруши́мою ста́ни, Небе́сная Цари́це, ча́дом на́шим, да Твои́м предста́тельством избе́гнут зми́ева приноше́ния, кра́снаго в сне́дь, последи́ же смертоно́снаго, и возмо́гут чи́стым се́рдцем пе́ти Тебе́ такова́я:
Ра́дуйся, избавля́ющая ча́д на́ших от ядови́таго зе́лия; ра́дуйся, спаса́ющая и́х от душепа́губнаго пития́.
Ра́дуйся, от блудоде́йства и́х сохраня́ющая; ра́дуйся, целому́дрию и́х науча́ющая.
Ра́дуйся, потребле́ние вся́каго обольще́ния; ра́дуйся, избавле́ние вся́каго смуще́ния.
Ра́дуйся, трезве́ния побо́рнице; ра́дуйся, му́дрости хода́таице.
Ра́дуйся, блага́я Воспита́тельнице, воспита́нная во Свята́я святы́х.
Конда́к 11
Пе́ти Твое́ необори́мое заступле́ние вы́ну сподо́би ча́д на́ших, да обря́щут Тебе́ кре́пкую Помо́щницу, и Твое́ю благода́тию отве́рзут уста́ свои́ воспева́ти Бо́гу: Аллилу́иа.
И́кос 11
Светоприе́мную свещу́ житие́ ча́д на́ших соде́лай, да при́сно горя́т любо́вию к Тебе́ и Сы́ну Твоему́, и не пре́зри ны́, зову́щия Ти́:
Ра́дуйся, ды́м собла́знов разгоня́ющая; ра́дуйся, мглу́ страсте́й просвеща́ющая.
Ра́дуйся, зре́ние храни́ти науча́ющая; ра́дуйся, блюсти́ чу́вствования вразумля́ющая.
Ра́дуйся, щедро́т неизрече́нных Ма́ти; ра́дуйся, побужда́ющая ча́д на́ших в благогове́нии Тебе́ предстоя́ти.
Ра́дуйся, Утеше́ние и́м в ско́рби живоно́сное; ра́дуйся, от набе́га лука́вых Прибе́жище непрело́жное.
Ра́дуйся, блага́я Воспита́тельнице, воспита́нная во Свята́я святы́х.
Конда́к 12
Благода́тию неизрече́нною Ду́ха Свята́го напита́й сердца́ ча́д на́ших, е́же возлюби́ти то́кмо Сы́на Твоего́ и Бо́га и Тебе́, Преблагу́ю Засту́пницу, да, подви́гшеся Тобо́ю, зову́т Царю́ вся́ческих: Аллилу́иа.
И́кос 12
Пою́ще Твое́ милосе́рдие, и́мже ми́луеши и пита́еши ча́д на́ших, мо́лимся: не преста́й проси́ти о ни́х Сы́на Твоего́, я́ко вся́ Тебе́ возмо́жна су́ть, и услы́ши мольбы́ на́ша таковы́я:
Ра́дуйся, от купе́ли Свята́го Креще́ния ча́д на́ших Восприе́мнице; ра́дуйся, к све́ту и́стины и́х Путеводи́тельнице.
Ра́дуйся, ро́су благода́ти Твоея́ и́м подаю́щая; ра́дуйся, млеко́м и́стины и́х пита́ющая.
Ра́дуйся, я́ко твори́ши ча́д на́ших земны́я а́нгелы; ра́дуйся, я́ко претворя́еши и́х в небе́сныя челове́ки.
Ра́дуйся, насле́дники Ца́рствия Небе́снаго и́х показу́ющая; ра́дуйся, в Оби́телех Небе́сных и́х водворя́ющая.
Ра́дуйся, блага́я Воспита́тельнице, воспита́нная во Свята́я святы́х.
Конда́к 13
О Всепе́тая Ма́ти Иису́са Сладча́йшаго! Приими́ ма́лое сие́ моле́ние о ча́дех на́ших в воню́ благоуха́ния духо́внаго и возми́ и́х под Тво́й милосе́рдный покро́в. Еще́ же да́руй и́м мы́слити, глаго́лати и твори́ти то́чию Тебе́ и Сы́ну Твоему́ уго́дная и посли́ и́м в жи́зни се́й привре́менней вся́ поле́зная ко спасе́нию ду́ш и́х, да воспева́ют Бо́гу: Аллилу́иа.
Этот конда́к читается трижды, затем 1-й и́кос и 1-й конда́к.
И́кос 1
А́нгела с Небесе́ посла́ти ча́дом на́шим исхода́тайствуй, Пресвята́я, у Сы́на Твоего́ и Бо́га на́шего, я́коже и Тебе́ по́слан бы́сть Гаврии́л арха́нгел, и сподо́би ны́ взыва́ти Тебе́ си́це:
Ра́дуйся, рожде́нием Свои́м роди́телей обра́довавшая; ра́дуйся, со слеза́ми мно́гими у Бо́га испро́шенная.
Ра́дуйся, моли́твы и поста́ све́тлое прозябе́ние; ра́дуйся благочести́выя жи́зни кра́сный пло́де.
Ра́дуйся, от младе́нства свята́го послуша́ния испо́лненная; ра́дуйся благоче́стием от сосца́ ма́тере напое́нная.
Ра́дуйся, любве́ всесве́тлое Жили́ще; ра́дуйся, ми́лостей Госпо́дних Сокро́вище.
Ра́дуйся, блага́я Воспита́тельнице, воспита́нная во Свята́я святы́х.
Конда́к 1
Взбра́нной Воево́де и усе́рдней Воспита́тельнице ро́да христиа́нскаго, я́ко изба́вльшеся от злы́х, благода́рственная воспису́ем Ти́ раби́ Твои́, Богоро́дице, но я́ко иму́щая держа́ву непобеди́мую, от вся́ких бе́д на́ших ча́д свободи́, да зове́м Ти́:
Ра́дуйся, блага́я Воспита́тельнице, воспита́нная во Свята́я святы́х.
Моли́тва ко Го́споду на́шему Иису́су Христу́
Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере услы́ши на́с, недосто́йных ра́б Твои́х, к Тебе́ приле́жно притека́ющих. Го́споди, в ми́лостивей вла́сти Твое́й ча́да на́ша, раби́ Твои́ (имена́). Поми́луй и спаси́ и́х и́мене Твоего́ ра́ди, прости́ и́м вся́ согреше́ния во́льная и нево́льная, соверше́нная и́ми пред Тобо́ю, Го́споди. Наста́ви и́х на пу́ть и́стинный, ра́зум и́х просвети́ све́том Твои́м, се́рдце согре́й любо́вию Твое́ю. Го́споди, благослови́ и́х в до́ме, в уче́нии, в пути́ и на вся́ком ме́сте Твоего́ влады́чества. Го́споди, сохрани́ и́х под кро́вом Твои́м святы́м от летя́щия стре́лы, от огня́, меча́, от смертоно́сныя я́звы и от напра́сныя сме́рти. Го́споди, огради́ и́х от все́х ви́димых и неви́димых враго́в, исцели́ и́х от вся́кия боле́зни, очи́сти и́х от вся́кия скве́рны и облегчи́ и́х душе́вныя страда́ния. Го́споди, да́руй и́м благода́ть Ду́ха Твоего́ Свята́го на мно́гая ле́та жи́зни, здра́вия, целому́дрия и благоче́стия. Го́споди, умно́жи и укрепи́ и́х душе́вные и теле́сные си́лы, Тобо́ю дарова́нные и́м. Да́руй Твое́ благослове́ние ча́дом на́шим на благочести́вую и, а́ще уго́дно Тебе́, семе́йную жи́знь. Го́споди, да́руй на́м, недосто́йным и гре́шным рабо́м Твои́м (имена́), благослове́ние на воспита́ние ча́д на́ших и сподо́би все́х ку́пно дости́гнути ве́чнаго Ца́рствия и та́мо просла́вити пречестно́е и великоле́пое и́мя Твое́, со Отце́м и Святы́м Ду́хом. Ами́нь.
Моли́тва к Бо́жией Ма́тери
О Пресвята́я Влады́чице Де́во Богоро́дице, премилосе́рдая Ма́ти все́х челове́к, спаси́ и сохрани́ под кро́вом Твои́м ча́д на́ших (имена́), все́х отроко́в, отрокови́ц, младе́нцев и во чре́ве ма́тере носи́мых. Покры́й и́х ри́зою Твое́ю, соблюди́ и́х во стра́се Бо́жием и послуша́нии роди́телем, умоли́ Го́спода на́шего и Сы́на Твоего́, да да́рует и́м вся́ поле́зная к душе́вному спасе́нию. Вруча́ем и́х Твоему́ Матери́нскому смотре́нию, я́ко Ты́ еси́ Боже́ственный покро́в рабо́м Твои́м. Ами́нь.
Тропарь, глас 4
Воспита́вшейся во хра́ме во свята́я святы́х,/ оде́янней ве́рою и прему́дростию и безме́рным де́вством,/ Архистрати́г Гаврии́л принесе́ с небесе́ целова́ние/ и е́же ра́дуйся, ра́дуйся Благослове́нная,// ра́дуйся, Препросла́вленная, Госпо́дь с Тобо́ю.
Кондак, глас 6
Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.
Мнение эксперта:
Эксперты отмечают, что использование акафиста «Воспитание» может стать ценным инструментом в формировании благочестивой личности у детей. Этот древний молитвенный текст не только укрепляет веру и духовные ценности, но и способствует развитию духовной культуры семьи. Постоянное чтение акафиста способствует формированию добрых нравов, терпимости и уважения к окружающим. Эксперты советуют включать чтение акафиста в ежедневную практику семьи, создавая тем самым благоприятную атмосферу для воспитания детей в благочестии.
Иной акафист (для келейного чтения)
Кондак 1
Взбранной Воеводе и благой Воспитательнице рода христианскаго, яко избавльшеся от злых, благодарственная восписуем Ти, раби Твои, но, яко имущая державу непобедимую, от всяких бед чада моя свободи, да со слезами зову Ти:
Воспитай, Владычице, чада моя достойна Небеснаго Царствия и наследники вечных благ сотвори я.
Икос 1
Ангела с Небесе послати чадом моим исходатайствуй, Пресвятая, у Сына Твоего и Бога, якоже и Тебе послан бысть хранитель прекрепкий Гавриил Архангел, и сподоби мя взывати Тебе сице:
Воспитай чада моя, во еже быти им земным Ангелом; воспитай чада моя, во еже явитися им небесным человеком.
Воспитай чада моя, во еже быти им Твоим рабом; воспитай чада моя, во еже нарещися им другом Сына Твоего.
Воспитай чада моя, да любят Тебе всем сердцем своим и всем помышлением; воспитай чада моя совершенна, яко совершен Отец наш Небесный.
Воспитай чада моя выну зовуща Тебе: Радуйся, Благодатная, Господь с Тобою; воспитай чада моя присно взывающа: Боже, милостив буди мне грешному.
Воспитай, Владычице, чада моя достойна Небеснаго Царствия и наследники вечных благ сотвори я.
Кондак 2
Видящи мое матернее моление о чадех моих, к Тебе бо единей прибегаю, возьми я под Свой честный и милосердный покров, да воззовут Богу: Аллилуиа.
Икос 2
Разум чадом моим посли, како добре Ти послужити, и исполни сердца их небесныя премудрости. Подаждь ю едину возлюбити, земная же паче презрети, и не возбрани устом моим вопияти Ти таковая:
Воспитай чада моя, питающи я млеком сокровенныя премудрости Божия; воспитай чада моя, да взыскуют ю во всем житии своем.
Воспитай чада моя мудра, яко змии, и проста, яко голуби; воспитай чада моя имуща разум на добрая и не имуща на грех.
Воспитай чада моя премудра противу козней диавольских; воспитай чада моя устрояюща мудре житие свое по образу святых.
Воспитай чада моя, да уподобятся мужу мудру, иже основа дом свой на камени; воспитай чада моя, да, якоже девы мудрыя, не угасят светильники своя.
Воспитай, Владычице, чада моя достойна Небеснаго Царствия и наследники вечных благ сотвори я.
Кондак 3
Сила Вышняго да осенит чада моя Твоего ради неусыпнаго предстательства пред Сыном Твоим, сего ради, познавша Твое Матернее милосердие ко всем, с верою к Богу притекающим, да воззовут к Нему: Аллилуиа.
Икос 3
Имущи от Бога чада моя, не хощу узрети их в муце вечней, но паче в Книзе Живота написанных и живот вечный наследящих. Сего ради, Пречистая, приклони ухо Твое к молению рабы Твоея, взывающия:
Воспитай чада моя, во еже избегнути им вечных мук; воспитай чада моя, во еже наследовати им живот вечный.
Воспитай чада моя, во еже тещи им путь жития своего в покаянии; воспитай чада моя в надежде на милосердие Божие.
Воспитай чада моя в трудех стяжающа благодать Духа Святаго; воспитай чада моя употребляюща усилие восхитити Царствие Небесное.
Воспитай чада моя, во еже написатися им в Книзе Животней; воспитай чада моя, да на Страшнем Судищи Сына Твоего одесную поставлена будут.
Воспитай, Владычице, чада моя достойна Небеснаго Царствия и наследники вечных благ сотвори я.
Кондак 4
Бурю внутрь имущи помышлений сумнительных и хотящи чадом моим живот вечный наследити, со слезами молю Тя, Мати Божия, и во уповании и умилении сердца пою Сыну Твоему: Аллилуиа.
Икос 4
Слышащи глас Твой, глаголющий Сыну Твоему: Ихже дал еси Ми в удел, во веки сохраняй,— простираю руце мои и сердце к Твоему милосердию, да сотвориши чада моя рабы Твоя и вонмеши прошением моим таковым:
Воспитай чада моя, приимши я в удел Твой избранный; воспитай чада моя ищуща помощи у Тебе единыя.
Воспитай чада моя, да бегают грехов, ведущих в погибель; воспитай чада моя, да обрящут путь покаяния.
Воспитай чада моя входяща тесными враты заповедей Сына Твоего во Иерусалим горний; воспитай чада моя, да отверзутся им двери райския.
Воспитай чада моя, во еже вселитися им со всеми святыми; воспитай чада моя, во еже восприяти им живот вечный.
Воспитай, Владычице, чада моя достойна Небеснаго Царствия и наследники вечных благ сотвори я.
Кондак 5
Свет невечерний, сиречь Сын Твой, Пресвятая Дево, да возсияет в сердцах чад моих, во еже ощутити им сладость небесную еще на земли и воззвати Богу: Аллилуиа.
Икос 5
Видящи мое прилежное моление, во славу Твою возносимое, аки фимиам благовонный, не отврати лица Твоего от моих чад, аще оная отвратятся Тебе, но паче услыши глаголы уст моих, вопиющих Ти:
Воспитай чада моя нища духом, яко тех есть Царство Небесное; воспитай чада моя плачуща, яко тии утешатся.
Воспитай чада моя кротка, яко тии наследят землю; воспитай чада моя алчуща и жаждуща правды, яко тии насытятся.
Воспитай чада моя милостива, яко тии помиловани будут; воспитай чада моя чиста сердцем, яко тии Бога узрят.
Воспитай чада моя миротворцы, яко тии сынове Божии нарекутся; воспитай чада моя подвизающася правды ради, да наследят Царство Небесное.
Воспитай, Владычице, чада моя достойна Небеснаго Царствия и наследники вечных благ сотвори я.
Кондак 6
Проповедует весь мир христианский всегдашнее заступление Твое сирот, вдовиц и матерей, о чадех своих молящих и вопиющих Богу: Аллилуиа.
Икос 6
Возсиявый лучами благодати Божия в душах чад моих свет небесный да озарит им путь, ведущий в живот вечный, и да последуют по нему, осеняемая Твоим всемогущим покровом, в Церковь Сына Твоего, с неюже зову Тебе сице:
Воспитай чада моя, просвещающи я светом Сына Твоего; воспитай чада моя, да во свете Его узрят Свет и направят стопы своя к Нему.
Воспитай чада моя, да будут свет миру и да светит свет их пред людьми; воспитай чада моя, да вси, видяще их добрая дела, прославят Отца Небеснаго.
Воспитай чада моя любяща Тя и Сына Твоего не токмо умом, но и сердцем; воспитай чада моя выну обращающа очи сердца своего к Создателю всяческих.
Воспитай чада моя, во еже ходити им непорочне в законе Господни; воспитай чада моя, во еже быти им верным чадом Матере Церкве.
Воспитай, Владычице, чада моя достойна Небеснаго Царствия и наследники вечных благ сотвори я.
Кондак 7
Хотящи чадом моим вечнаго спасения, со слезами предстою пред честною Твоею иконою, Владычице, да не презриши моления моего и мене, к Сыну Твоему взывающия: Аллилуиа.
Икос 7
Дивными и неизследимыми судьбами Сына Твоего привлецы чада моя милостивною рукою под Свой благодатный покров, да со усердием зову Ти:
Воспитай чада моя ищуща прежде Царствия Божия и правды Его; воспитай чада моя, да обрящут безценную жемчужину и оставят прочая.
Воспитай чада моя, да в мори житейстем не останутся кроме окормления; воспитай чада моя, во еже быти им в малем числе избранных Твоих.
Воспитай чада моя на всяком месте творяща волю Отца Небеснаго; воспитай чада моя, да последуют стопам Сына Божия.
Воспитай чада моя не глаголюща, ниже помышляюща хулы на Духа Святаго; воспитай чада моя, во еже чтити им Тя, рождшую Спаса душ наших.
Воспитай, Владычице, чада моя достойна Небеснаго Царствия и наследники вечных благ сотвори я.
Кондак 8
Странствующа в юдоли сей земней и многомятежней, чада моя где обретут отраду и утешение, аще не в Тебе, Пречистая? Спутешествуй же им и настави их на путь истинный, да зовут Богу: Аллилуиа.
Икос 8
Всем еси Мати милующая Ты, Владычице, и хощу, да пребудеши Таковая и чадом моим. Се, вручаю их Тебе и, воспомянувши милости Твоя пребогатыя, во смирении молю Тя:
Воспитай чада моя во умилении младенчестем, яко таковых есть Царствие Божие; воспитай чада моя, да будут меньша всех, обаче велика пред Богом.
Воспитай чада моя милосердна, якоже милосерд Отец наш Небесный; воспитай чада моя, да памятуют, яко Той и грешныя милует.
Воспитай чада моя любяща и молящася о вразех своих; воспитай чада моя гнушающася врагов Божиих.
Воспитай чада моя верны сыны Отечества земнаго; воспитай чада моя благонадежны гражданы Царства Небеснаго.
Воспитай, Владычице, чада моя достойна Небеснаго Царствия и наследники вечных благ сотвори я.
Кондак 9
Всякаго добра души и сердца их исполняющи, отжени от них духа злосмраднаго безбожия, подающи от щедрот Твоих всем и коемуждо по потребе, да зовут Богу: Аллилуиа.
Икос 9
Витий суемудренных общения, глаголющих лжу на Твое всемощное заступление, избави их и призри на мя, верно вопиющую:
Воспитай чада моя зело противящася безбожником; воспитай чада моя крепко стояща противу богоненавистных учений.
Воспитай чада моя не приемлюща духа сынов противления; воспитай чада моя бодрствующа и молящася, да не впадут во искушение.
Воспитай чада моя бегающа утех мирских и прелести мира сего; воспитай чада моя уклоняющася от зла и творяща благо.
Воспитай чада моя имеюща уши отверста, во еже слышати глас Божий; воспитай чада моя соблюдающа Слово Божие, причастники блаженства райскаго их содевающи.
Воспитай, Владычице, чада моя достойна Небеснаго Царствия и наследники вечных благ сотвори я.
Кондак 10
Спасти хотя мир, Сын Твой сниде с Небесе призвати не праведныя, но грешныя на покаяние. Сего ради моли Сына Твоего о чадех моих, да спасенная Тобою, воззовут Богу: Аллилуиа.
Икос 10
Стена несокрушимая буди, Царице Небесная, чадом моим, да под Твоим благодатным покровом возмогут содеяти множество благих дел, сего ради зову Ти сице:
Воспитай чада моя в чистоте непорочней; воспитай чада моя ведуща творити волю Сына Твоего.
Воспитай чада моя ненавидяща грех и всякое беззаконие; воспитай чада моя любяща добро и всяческую добродетель.
Воспитай чада моя служаща Богу нашему в послушании и целомудрии; воспитай чада моя обращающа в бедах очеса своя к Твоему милосердию.
Воспитай чада моя, яко скорая Помощница еси всем с верою к Тебе притекающим; воспитай чада моя, яко не имам иныя помощи, ни иныя надежды.
Воспитай, Владычице, чада моя достойна Небеснаго Царствия и наследники вечных благ сотвори я.
Кондак 11
Пети Твое необоримое заступление выну сподоби чада моя, Владычице, и Твоею благодатию отверзи уста их вопияти Богу: Аллилуиа.
Икос 11
Светоприемную свещу свыше, истаявающую день и нощь от любве к Тебе и Сыну Твоему и ближнему, живот их сотвори и не презри мене, зовущую Ти:
Воспитай чада моя выну взирающа на Крест и страдания Спасителя нашего; воспитай чада моя имеюща очи видети страждущих окрест себе.
Воспитай чада моя, да памятуют слова апостола: Друг друга тяготы носите; воспитай чада моя, да будут якоже милосердный самарянин.
Воспитай чада моя труждающася в винограднице, яко добрии раби; воспитай чада моя в чаянии пришествия Сына Твоего.
Воспитай чада моя в непрестанней молитве и трезвении; воспитай чада моя выну предстояща Тебе в благоговении.
Воспитай, Владычице, чада моя достойна Небеснаго Царствия и наследники вечных благ сотвори я.
Кондак 12
Благодатию неизреченною Духа Святаго напитай сердца чад моих, во еже возлюбити им Сына Твоего и Бога нашего и Тебе, Преблагая, да зовут Царю всяческих: Аллилуиа.
Икос 12
Воспевающи милосердие Твое, имже милуеши и питаеши чада моя, вопию Ти, да не престанеши молити о них Сына Твоего, верую бо: вся Ты можеши, и да исполниши моления моя таковая:
Воспитай чада моя исполнена Духа Святаго; воспитай чада моя Того благодатию твердо на вернем пути пребывающа.
Воспитай чада моя, путеводствующи их Звездою утреннею, Яже есть Сын Твой, в обители праведников; воспитай чада моя, во еже вселитися им в дому Отца Небеснаго.
Воспитай чада моя кротка, молчалива и трепещуща словес Божиих; воспитай чада моя отверзающа уста своя токмо к прославлению благости Творца всяческих.
Воспитай чада моя, во еже чтити им отца и матерь своих, по заповеди; воспитай чада моя, да уподоблюся и аз смоковнице, добрый плод приносящей.
Воспитай, Владычице, чада моя достойна Небеснаго Царствия и наследники вечных благ сотвори я.
Кондак 13
О Всепетая Мати Иисуса Сладчайшаго! Приими сие малое акафистное моление о чадех моих, возьми я под Твой благодатный покров, даруй им мыслити, глаголати и творити яже к Тебе и Сыну Твоему влекущая и посли им в житии сем привременнем вся, яже ко спасению душ их наставляющая, да выну зовут Богу: Аллилуиа.
Этот кондак читается трижды, затем 1-й икос «Ангела с Небесе…» и 1-й кондак «Взбранной Воеводе…».
Молитва ко Господу Иисусу Христу
Сладчайший Иисусе, Боже сердца моего! Ты даровал еси мне детей по плоти, обаче души их Твоя суть, яко Ты искупил еси ны Твоею неоцененною Кровию. Сего ради умоляю Тебе, Сладчайший мой Спасителю: благодатию Твоею прикоснися сердцам детей моих (имена) и крестников моих (имена), огради их страхом Твоим Божественным, удержи от дурных наклонностей и привычек, направи на путь истины, добра и красоты, устрой жизнь их, якоже Ты Сам хощеши, и спаси души их, имиже веси судьбами. Аминь.
Молитва к Божией Матери
О Пресвятая Владычице Дево Богородице, спаси и сохрани под кровом Твоим чад моих (имена их), всех отроков, отроковиц и младенцев, крещеных и безымянных и во чреве матере носимых. Покрый их ризою Твоего Материнства, соблюди их во страсе Божием и в послушании родителем, умоли Сына Твоего и Господа нашего, да дарует им полезная ко спасению их. Вручаю их Матернему смотрению Твоему, яко Ты еси Божественный покров рабом Твоим. Аминь.
Молитва ко Господу Иисусу Христу преподобнаго Амвросия Оптинскаго
Господи, Ты Един вся веси, вся можеши и всем хощеши спастися и в разум Истины прийти. Вразуми чадо мое (имя) познанием истины Твоея и воли Твоея святыя, укрепи его ходити по заповедей Твоим и мене грешнаго помилуй, молитвами Пречистыя Матере Твоея, Богородицы и Приснодевы Марии, и святых Твоих (перечисляются все святые покровители семьи), яко препрославлен еси со Безначальным Твоим Отцем и с Пресвятым и Благим и Животворящим Твоим Духом, ныне и присно, и во веки веков. Аминь.
Иная молитва ко Господу Иисусу Христу преподобнаго Амвросия Оптинскаго
Милосердый Господи, Иисусе Христе, Тебе вручаю чадо мое, яже Ты даровал еси мне, исполни моление мое. Прошу Тебе, Господи, спаси его путями, яже Ты Сам знаеши. Сохрани его от пороков, зла, гордости, и да не коснется души его ничто противное Тебе. Но веру, любовь и надежду на спасение даруй ему, и да будет свят и непорочен пред Богом его жизненный путь. Благослови его, Господи, да стремится чадо мое во всякую минуту жизни своея исполняти святую волю Твою, дабы Ты, Господи, возмогл еси всегда пребывати с ним Духом Твоим Святым. Господи, научи его молитися Тебе, дабы молитва была ему опорою, отрадою в скорбех и утешением жизни и дабы молитвою его спасалися и мы, его родители. Ангели Твои да хранят его всегда. Да будет чадо мое чутко к горю ближних своих и да исполнит Твою заповедь любве. И аще согрешит, то сподоби его, Господи, принести покаяние, и Ты, по Своей неизреченней милости, прости его. Егда же скончается жизнь его земная, возьми его в Своя небесныя обители. Аминь.
Молитва к Ангелу Хранителю
Святый Ангеле Хранителю моего чада (имя), покрый его твоим покровом от стрел демона, от глаз обольстителя и сохрани его сердце в ангельстей чистоте. Аминь.
Интересные факты
-
Акафист «Воспитание» – один из самых известных и почитаемых акафистов в православной традиции. Он посвящен Богородице и читается в честь Ее заступничества за детей и помощи в их воспитании.
-
Авторство акафиста «Воспитание» приписывают святителю Иоанну Златоусту. Однако, существуют и другие версии относительно его происхождения, согласно которым он мог быть написан в более поздний период, в XI-XII веках.
-
Акафист «Воспитание» состоит из 13 кондаков и 12 икосов, в которых воспеваются добродетели Богородицы, Ее милосердие и помощь в воспитании детей. Текст акафиста пронизан глубокой любовью к детям и заботой о их духовном и нравственном развитии.
Удивительный образ
Как вырастить дочерей и сыновей благочестивыми? Современная психология и педагогика направлена на атеистов. Поэтому в обществе процветает эгоизм и произвол. От безмерной родительской любви отроковицы и отроки запутываются еще больше. Божественная благодать должна сойти на души родителей. А случается это только при искреннем обращении к Богу и Его Пречистой Матери в молитве или акафисте.
Икона Божьей Матери «Воспитание»
Чудотворный образ Богородицы «Воспитание», пред которым написан вышеупомянутый акафист, приобрел такое название от того, что ответ в виде благой помощи Царицы Небесной особенно часто снисходил к родителям, которые молились перед ним о своих чадах.
День почитания – 18 марта (или 5 марта по старому календарю).
История
Икона «Воспитание» – одна их древних икон Богородицы. Ее прародительницей считается величайшее в мировой истории духовно-нравственное, с более чем тысячелетней историей христианское государство Византийская империя. Отрадно, что данная икона появилась именно на Руси, в стране, которая выбрала строгость и величие православия и стала духовной преемницей Византии.
Полезные материалы
До революции местом ее почитания был Казанский собор на Красной площади. Но безбожная революционная рука покарала множество храмов и святынь Русской
Церкви
. Не избежал злой участи и этот Божий дом. После изъятия церковных ценностей подлинник иконы Божьей Матери «Воспитание» был безвозвратно утерян. Позднее иконописцам удалось воспроизвести список почитаемой чудотворной иконы Богородицы и вернуть святыню на прежнее место.
Описание
Данный образ Богородицы написан в соответствии с каноническими правилами и иконографическим типом Одигитрия (Путеводительница). Дева Мария держит на левой руке младенца Иисуса – Сына Своего единственного. Божья Матерь в задумчивом смирении смотрит с холста немного в сторону нежно и с любовью. Правой рукой она указывает на Иисуса, как на единственного Спасителя рода человеческого. А маленький Иисус протягивает ладонь к лику Матушки, точно обычный ребенок тянет ручонки к лицу самой любимой, дорогой маме.
Фигура Девы Марии облачена в темно-красный мафорий с тремя звездами, одну из которых скрывает сидящий на руках младенец. По краю одеяния струится золотая кайма. На Иисусе плащевидная ткань, как прообраз плащаницы. Верхняя часть груди обнажена (на некоторых иконах грудь открыта совсем).
Икона Божией Матери «Воспитание»
Интересный факт
Несмотря на то, что первым византийским иконам была присуща общая аскетичность, данный образ Богоматери отличает торжественность и воздушность. Иконописцу удалось добиться такого эффекта благодаря утонченной палитре и легким линиям.
Когда православные прибегают к чтению этого акафиста
О ком больше всего болит родительская душа, о ком тоскует и печалится, радуется и веселится? Конечно же, о чадах своих. И благо, если Господь наделил родителей мудростью соломоновой и святостью, тогда им легко воспитать своих детей в Господе. Таких деток не затронут дурные влияния окружающего мира, потому что с ними рядом всегда будет Премудрость, Христос.
Это интересно:
Покровитель детей — святой Стилиан Пафлагонский
Но как показывает жизненный опыт, не все родители, даже будучи в зрелом возрасте, обладают мудростью, а от святости совсем далеки. Какой у них шанс воспитать своих детей по образу и подобию Божьему? Практически равный нулю. Вырастают дети и попадают в ловушки дьявольские, перемалывают их жернова страстей и калечат души.
Потому-то и просят родители о помощи в воспитании Пресвятую Богородицу, знают, что не оставит их Матушка Небесная. Кто, как ни Она сердечная, Сама испытавшая неимоверные страдания и боль, понимает все тяготы материнства? В молитвенной просьбе в конце акафиста звучит прошение взять деток под Ее святой кров, стать покровительницей, укрыть ризою Своего Материнства и даровать им все полезное ко спасению.
Есть короткое молитвенное обращение к этому образу:
«Вручаю дитя мое всецело Господу моему Иисусу Христу и Твоему, Пречистая, небесному покровительству».
И слышит Матушка Богородица искренние сердечные
молитвы
и спешит на помощь к людям. Не перестает любить род человеческий, а особенно – людей русских. И просит Она Сыночка Своего о вразумлении родителей, просвещении их светом Премудрости Его и помощи в воспитании деток.
И с великой радостью и любовью написаны хвалебные песнопения – два акафиста Божьей Матери к иконе «Воспитание», как самые торжественные молитвы в знак родительской благодарности за помощь в воспитании детей. Один из акафистов утвержден для общецерковного употребления, другой можно читать только келейно, дома.
И творят акафисты чудеса, и возрастают в любви к Господу благочестивые дети. И украшает души их Господь целомудрием, долготерпением и всякою праведностью. И преуспевают они в добродетели и святости. И веселятся родители о чадах своих. А дети становятся отрадою для родителей в дни жизни их и крепостью в старости их.
Мария Правдина
Частые вопросы
Что такое «Воспитание»?
Акафист «Воспитание» — это молитвенное песнопение, обращенное к Богородице, в котором верующие просят Ее помощи в воспитании детей. Название акафиста происходит от греческого слова «акатафистос», что означает «неседальный». Акафист «Воспитание» обычно читают во время всенощного бдения в преддверии праздника Святого Семейства или в другие важные для семьи дни.
Для чего читать акафист «Воспитание»?
Акафист «Воспитание» можно читать как лично, так и всей семьей. Молитва помогает правильно воспитать детей, дает родителям мудрость и терпение, а также укрепляет семейные узы. Кроме того, акафист может помочь детям преодолеть трудности и соблазны, которые встречаются на их жизненном пути.
Как часто следует читать Акафист Воспитание»?
Акафист «Воспитание» можно читать так часто, как вам удобно. Однако рекомендуется читать его хотя бы раз в неделю, а лучше — каждый день. Также можно читать акафист в особо сложные периоды жизни детей или семьи, например, перед экзаменами, соревнованиями или важными жизненными событиями.
Полезные советы
СОВЕТ №1
Проводите время с детьми, участвуя в духовных практиках, таких как молитва и чтение Священного Писания. Поддерживайте духовную обстановку в семье.
СОВЕТ №2
Обсуждайте с детьми ценности благочестия, объясняйте им важность милосердия, терпимости и любви к ближнему. Проявляйте эти ценности в собственной жизни как пример.
СОВЕТ №3
Поддерживайте детей в их духовном развитии, помогая им задавать вопросы о вере, обсуждать вопросы нравственности и искать ответы в духовных текстах.
Советы по воспитанию детей в духовной сфере
Для родителей, желающих воспитывать своих детей в благочестии, существует множество советов и рекомендаций. Важно помнить, что духовное воспитание детей начинается с примера, который родители сами являются для своих детей. Вот несколько полезных советов, которые помогут вам в этом нелегком, но благородном деле:
- Постоянное общение с детьми о духовных ценностях:Важно регулярно разговаривать с детьми о вере, морали, сострадании и других духовных аспектах жизни. Поддерживайте открытую и доверительную обстановку, где дети могут задавать вопросы и делиться своими мыслями.
- Участие в церковных обрядах и богослужениях:Посещение церкви, участие в богослужениях и общение с духовными наставниками помогут детям поглубже понять свою веру и укрепят их духовные убеждения.
- Чтение духовной литературы:Подбирайте книги, статьи и материалы, которые помогут детям расширить свои знания о вере, морали и духовных ценностях. Обсуждайте прочитанное вместе с детьми.
- Молитва и духовная практика:Учите детей молиться, проводить время в молитве и медитации. Поддерживайте духовные практики в семье, создавая общие ритуалы и традиции.
- Проявление любви и сострадания:Учите детей быть добрыми, заботливыми и сострадательными по отношению к окружающим. Поддерживайте их в добрых поступках и помогайте им развивать чувство близости к ближним.
Следуя этим советам и инструкциям, родители смогут создать благоприятную атмосферу для духовного развития своих детей и помочь им вырасти в благочестивых и нравственных личностях.
