Акафист святым Петру и Февронии Муромским – это молитвенное произведение, посвященное заступничеству перед Богом святых благоверных князей. Чтение акафиста помогает обрести духовную силу, наставление и поддержку в трудные моменты жизни. В данной статье мы рассмотрим текст молитвы на русском языке, разберем, как правильно читать акафист, и обсудим, о чем можно просить у святых Петра и Февронии в своих молитвах.
Краткое жизнеописание благоверных князей
Житийный рассказ о них читается как легенда или былина, быль иль небыль… С каким-то чудищем, не то с драконом, не то змием сражался молодой богатырь Петр. Сказка?…Сказка, говорят, ложь, да в ней намек… Рассказ о жизни
Петра и Февронии
больше трех сотен лет передавался в народе из уст в уста и записан был только в ХVI веке, потому и приобрел такой легендарный оттенок.
Святые благоверные князь Петр и княгиня Феврония Муромские, с житием
1618 г.
Дерево, темпера; оклад — металл, басма.
174 × 143 см
Муромский историко-художественный музей, Муром, Россия
Инв. М-6607
Но мудрый народ не просто рассказал сказку о победе князя над змием, а показал победу человека над смертным грехом прелюбодеяния, лукавого соблазна, коварного завистливого глаза, беснующейся плоти. Но, увы — слаба падшая человеческая природа. Святой Антиох, зная это, ежедневно в вечернем правиле помогает нам просить Господа Иисуса Христа: «… не предаждь мене крамоле змиине, и желанию сатанину не остави мене, яко семя тли во мне есть…».
Полезные материалы
Эта «крамола змииная» и напала на князя, как говорит апостол «жало в плоть». Тело молодого богатыря покрылось язвами от поганой крови змия попавшей на него в бою. Поразил грех Петра, и никто не мог ему помочь. Только Феврония, простая девушка-крестьянка, исцелила князя. Чем? Тестовой закваской? Нет. Молитвой и постом. А потом освятили молодые свой союз венчанием.
По церковной традиции святым супругам молятся о браке, о семейном благополучии, особенно усердно молятся им в дни их памяти, например 8 июля. Теперь это и светский праздник – «День семьи, любви и верности».
Стоит в
день Петра и Февронии
не только на концерт сходить, но и помолиться. Но прежде чем просить о чем-то, надо и самому что-то принести. Например, благодарное молитвенное воспевание. Акафист – это хвалебная песнь, славословие.
Акафист читают и поют нараспев (кто умеет), при этом, стоя. Потому и называется это молитвословие «а — кафизо» (греческ.) – не сижу. Акафист разделен на части: 13 кондаков и 12 икосов, которые чередуются. Кратко о сути праздника — это кондак, а более пространная песня с припевом «радуйтеся» — икос (в переводе – «дом»), здесь суть темы, обозначенной в кондаке, развивается. В конце 13й кондак читается трижды. И, завершая чтение акафиста, снова переходим в начало и повторяем еще раз чтение первого икоса, а затем первого кондака, т.е. в обратном порядке. Прибавляем молитву святым.
Интересный факт
Акафист — это торжественный гимн, а не покаянная молитва, поэтому читается главным образом в непостные периоды церковного календаря (хотя, дома у каждого свой устав). По окончании чтения акафиста можно прибавить и свое прошение.
Святые благоверные князь Петр и княгиня Феврония Муромские, с житием
Конец XVI — первая треть XVII вв.
Дерево, темпера; металл, басма.
122 × 187 см
Муромский историко-художественный музей, Муром, Россия
Инв. М-6608
Происходит из собора Рождества Богородицы в Му
Мнение эксперта:
Акафист святым Петру и Февронии Муромским – один из самых почитаемых молитвенных текстов в православной традиции. Эксперты отмечают, что при чтении акафиста важно настроиться на молитву с искренним сердцем и чистой мыслью. Он помогает обратиться к святым с просьбами о заступничестве перед Богом в различных жизненных ситуациях. Молитва перед святыми Петром и Февронией может быть направлена на исцеление, защиту семьи, помощь в поиске любви или трудоустройстве. Эксперты советуют читать акафист с верой и упованием на милость святых, их мощь и благословение.
Когда и о чём молятся святым
Святым молятся о браке; о семейном благополучии; о супружеской верности; о зачатии в браке здоровых детей; о здоровье супруги, супруга; о здоровье деток и престарелых родителей; о скорейшем и благом разрешении трудных семейных обстоятельств; о выходе из неопределенной ситуации, чтоб было благое завершение.
Просят святых об устройстве семейной жизни, девицы просят о женихе, а молодые люди о невесте. Родители просят о судьбе своим детям – о доброй невестке-христианке, о верующем зяте. Как не гордись образованием или высокой должностью, толстым кошельком или депутатским значком, а без семьи жизнь человеческая – половинка только. Любовь и семья наполняют жизнь счастьем.
Необходимо помнить, что всегда в молитве нужно добавлять: «да будет воля Твоя, Господи, а не моя», потому, что только Ему известно, насколько полезно нам то, чего мы просим, и все, что подает нам Господь, все к нашему спасению. А святые Петр и Феврония – помощники людям в создании и сохранении семьи и ходатаи перед Богом в наших просьбах.
О жизни этой святой пары – благоверных князей Петра и Февронии — надо обязательно рассказывать молодежи. Современным молодым людям надо напоминать, что в реальной жизни (а не в онлайн-игре) есть только одна попытка и другой не будет. Поэтому, выходя на жизненный старт, полезно знать, что нескромный взгляд на чужую жену вдруг зажигает молодое сердце дьявольским огнем вожделения и ведет к погибели. Что без мудрости, терпения, без самопожертвования семью не устроить. А любовь дороже золота и тщетной людской славы. Счастье — это жить с любимым — сердце к сердцу под покровом Божиим всю жизнь и умереть в один день, как это и было у святых Петра и Февронии.
Интересные факты
- Акафист святым Петру и Февронии Муромским – это литургический гимн, посвященный этим святым, которые считаются покровителями брака и семьи в христианской традиции.Акафист был написан в XVII веке и состоит из 24 стихов, каждый из которых начинается с буквы греческого алфавита.
- Акафист святым Петру и Февронии Муромским читают в православных храмах и дома, как правило, во время утренних и вечерних молитв.Считается, что чтение акафиста помогает верующим укрепить свой брак, улучшить отношения в семье и получить благословение святых на рождение детей.
- В акафисте святым Петру и Февронии Муромским верующие просят о помощи в различных жизненных ситуациях, связанных с семьей и браком.В частности, они могут обращаться к святым с просьбами о помощи в поисках спутника жизни, укреплении супружеских отношений, исцелении от бесплодия и помощи в воспитании детей.
Тропарь, кондак, величание
Тропарь,
глас 8-й
Яко благочестиваго корене пречестная отрасль был еси, добре во благочестии пожив, блаженне Петре, тако и с супружницею твоею, премудрою Феврониею, в мире Богу угодивше и преподобных житию сподобистеся. С нимиже молитеся Господеви сохранити без вреда отечество ваше, да вас непрестанно почитаем.
Кондак,
глас 8-й:
Мира сего княжение и славу временну помышляя, сего ради благочестно в мире пожил еси, Петре, купно с супружницею твоею премудрою Феврониею, милостынею и молитвами Богу угодивше. Темже, и по смерти неразлучно во гробе лежаще, исцеление невидимо подаваете, и ныне Христу молитеся сохранити град же и люди, иже вас славящих.
Величание:
Ублажаем вас, святии чудотворцы Петре и Февроние, и чтим святую память вашу, вы бо молите за ны Христа Бога нашего.
Акафист
Акафист святым благоверным князю Петру и княгине Февронии, Муромским чудотворцам
Конда́к 1
Избра́ннии чудотво́рцы и вели́цыи уго́дницы Госпо́дни, гра́да Му́рома засту́пницы и при́снии о душа́х на́ших моли́твенницы, святи́и благове́рнии кня́же Пе́тре и княги́не Февро́ние! Пе́ние похва́льное ва́м принося́ще, мо́лим вы́ усе́рдно: я́ко иму́щии дерзнове́ние ко Го́споду, предста́тельством ва́шим от вся́ких бе́д на́с свободи́те, и насле́дники Ца́рствия Небе́снаго на́с соде́лайте, да зове́м ва́м ра́достно:
Ра́дуйтеся, святи́и и пресла́внии чудотво́рцы Пе́тре и Февро́ние.
И́кос 1
А́нгели земни́и и челове́цы небе́снии вои́стинну яви́стеся, блаже́ннии Пе́тре и Февро́ние, от ю́ности ва́шея чи́стую со́весть иму́щии к Бо́гу, и до́бре во благоче́стии и чистоте́ вку́пе пожи́вшии, на́м же оста́вльшии в приме́р подража́ния житие́ ва́ше богоуго́дное, ему́же чудя́щеся и чудесы́ ва́шими озаря́еми, зове́м ва́м гла́сы хвале́бными си́це:
Ра́дуйтеся, от ю́ности ва́шея Христа́ возлюби́вшии и Тому́ от души́ порабо́тавшии; ра́дуйтеся, целому́дрия храни́тели и душе́вныя и теле́сныя чистоты́ рачи́тели.
Ра́дуйтеся, ду́ши ва́ша и телеса́ на земли́ в обита́лище Ду́ха Свята́го угото́вившии; ра́дуйтеся, испо́лненнии прему́дрости и ра́зума боже́ственнаго.
Ра́дуйтеся, я́ко во пло́ти, я́ко безпло́тни, вку́пе пожи́сте; ра́дуйтеся, я́ко равноа́нгельную че́сть досто́йно прия́сте.
Ра́дуйтеся, я́ко от земли́ на Не́бо преидо́сте и та́мо со А́нгелы Тро́ице предстои́те; ра́дуйтеся, я́ко со безпло́тными ли́ки трисвяту́ю пе́снь Е́й воспева́ете.
Ра́дуйтеся, на Небеси́ и на земли́ от Го́спода просла́вленнии; ра́дуйтеся, обре́тшии ве́чное всесве́тлое ме́сто упокое́ния.
Ра́дуйтеся, гра́да Му́рома сокро́вища пребога́тая; ра́дуйтеся, исто́чницы неистощи́мии чуде́с.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 2
Читайте также:
Ви́дев кня́зь Пе́тр в возвра́тной боле́зни свое́й, зна́мение гне́ва Бо́жия, за неисполне́ние обе́та своего́, поя́ти в супру́ги себе́ прему́друю Февро́нию, потща́ся сие́ испо́лнити и сочета́ся с не́ю бра́ком зако́нным. Оба́че и в супру́жестве целому́дренно и богоуго́дно пожи́сте, блаже́ннии, иму́ще еди́ну мы́сль во двою́ те́лу, е́же благоугожда́ти Бо́гу; те́мже вы́ну пое́те Ему́ ны́не со А́нгелы пе́снь: Аллилу́иа.
И́кос 2
Ра́зумом богопросвеще́нным свы́ше одаре́ннии, Пе́тре и Февро́ние святи́и, любо́вь и милосе́рдие к бе́дным и си́рым яви́сте, оби́димым и безпомо́щным засту́пницы бы́сте, и ины́ми доброде́тельми мно́гими украси́сте княже́ние свое́ земно́е. Сего́ ра́ди вопие́м к ва́м си́це:
Ра́дуйтеся, блаже́ннии и треблаже́ннии, в боголю́бии пожи́вшии и благове́рие сохра́ншии; ра́дуйтеся, ми́лости и сострада́ния преиспо́лненнии.
Ра́дуйтеся, безпомо́щных ско́рии помо́щницы; ра́дуйтеся, печа́льных блази́и уте́шители.
Ра́дуйтеся, сиро́т и вдови́ц корми́тели; ра́дуйтеся, су́щих в беда́х предста́тели.
Ра́дуйтеся, боле́зней душе́вных и теле́сных иску́снии цели́тели; ра́дуйтеся, ско́рбных серде́ц радостотво́рнии посети́тели.
Ра́дуйтеся, любо́вь ва́шу к Бо́гу, любо́вию к бли́жним свои́м показа́вшии; ра́дуйтеся, княже́ние ва́ше земно́е пра́ведно и богоуго́дно содержа́вшии.
Ра́дуйтеся, князе́й правосла́вных похвало́ и гра́да Му́рома утвержде́ние; ра́дуйтеся, всея́ земли́ Росси́йския заступле́ние.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 3
Си́лою благода́ти Бо́жия укрепля́емь, блаже́нне кня́же Пе́тре, восхоте́л еси́ па́че оста́вити гра́д оте́чества твоего́ и княже́ние Му́ромское, не́же бракоразвести́ся с прему́дрою Февро́ниею по настоя́нию го́рдых боля́р твои́х. Сего́ ра́ди Бо́г тя́ просла́ви и сотвори́, да те́миже боля́ры возвраще́нный вку́пе с супру́жницею твое́ю, на престо́ле княже́ния Му́ромскаго па́ки утверди́лся еси́, на́м же приме́р хране́ния зако́на Бо́жия показу́еши по́двигом твои́м, да подража́юще тебе́ в свя́тости хране́ния соу́за бра́чнаго, воспева́ем подвигополо́жнику Христу́: Аллилу́иа.
И́кос 3
Иму́ще попече́ние о лю́дех свои́х, преблаже́ннии Пе́тре и Февро́ние, неусы́пно подвиза́стеся ко бла́гу и́х, благоче́стие насажда́я, нече́стие искореня́я и вражду́ умиротворя́я. Те́мже и Госпо́дь, ви́дя таковы́я по́двиги ва́ша, зе́млю Му́ромскую плодоно́сием благослови́ и ми́р глубо́к княже́нию ва́шему дарова́, подвиза́я лю́ди ва́ша благода́рственно воспева́ти ва́м си́це:
Ра́дуйтеся, уго́дницы Бо́жии, житию́ вели́ких святы́х соприча́стницы; ра́дуйтеся, прави́телие предо́брии, лю́ди му́ромския ко спасе́нию путеводи́вшии.
Ра́дуйтеся, христиа́нскаго благоче́стия блюсти́тели; ра́дуйтеся, нестрое́ния, раздо́ров и вся́каго нече́стия искорени́тели.
Ра́дуйтеся, супру́гов христиа́н ко благоче́стному житию́ наста́вницы; ра́дуйтеся, целому́дрия и воздержа́ния супру́жескаго о́брази преизя́щнии.
Ра́дуйтеся, пра́веднаго суда́ рачи́тели; ра́дуйтеся, немздои́мства и безкоры́стия ревни́тели.
Ра́дуйтеся, святы́х царе́й Константи́на и Еле́ны доброде́телей стяжа́тели; ра́дуйтеся, равноапо́стольнаго кня́зя Влади́мира и блаже́нныя княги́ни О́льги досто́йнии прее́мницы.
Ра́дуйтеся, дво́ице пречестна́я и благо́е сочета́ние, луча́ми чуде́с немерца́емо сия́ющии; ра́дуйтеся, оте́чества ва́шего пресве́тлии свети́льницы.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 4
Бу́ря скорбе́й и напа́стей, воздвиза́емая зло́бою ми́ра сего́, не осла́би кре́пкия любве́ ва́шея я́же к Бо́гу, Пе́тре и Февро́ние блаже́ннии, но па́че научи́ ва́с благоиску́сно отража́ти разжже́нныя стре́лы искуше́ний диа́вольских: вы́ бо обо́лкшеся в броню́ ве́ры Христо́вы, в ми́ре глубо́це преидо́сте многомяте́жную пучи́ну жите́йскаго мо́ря, и достиго́сте в ти́хую при́стань спасе́ния, к не́йже и на́с моли́твами ва́шими приведи́те, да вку́пе с ва́ми пое́м Бо́гу: Аллилу́иа.
И́кос 4
Слы́шавше бли́жнии и да́льнии благоче́стное житие́ ва́ше, благове́рнии Пе́тре и Февро́ние, прославля́ху человеколю́бца Бо́га, дарова́вшаго ва́м кре́пость на вся́ дела́ блага́я, и́миже я́ко луча́ми пресве́тлыми, просия́сте в оте́честве ва́шем, иде́же и доны́не имена́ ва́ша че́стны, и по́двиги ва́ша воспева́ются похвала́ми си́ми:
Ра́дуйтеся, дво́ице пресве́тлая, Бо́гом совокупле́нная; ра́дуйтеся, све́том благоче́стнаго жития́ ва́шего, я́ко свети́ла богосве́тлая, просия́вшии.
Ра́дуйтеся, ми́лостынею и моли́твами Небе́сное Ца́рствие стяжа́вшии; ра́дуйтеся, смире́нием и поще́нием ве́чное блаже́нство улучи́вшии.
Ра́дуйтеся, я́ко мзда́ ва́ша мно́га на Небесе́х е́сть; ра́дуйтеся, я́ко ра́дость ва́ша ве́чна во све́тлостех святы́х.
Ра́дуйтеся, раби́ Христо́вы возлю́бленнии; ра́дуйтеся, святы́х все́х при́снии дру́зи.
Ра́дуйтеся, звезды́ непреле́стнии, пу́ть супру́жескаго жития́ богоуго́днаго ве́рно указу́ющии; ра́дуйтеся, о́блацы росоно́снии, зно́й страсте́й и нече́стия прогоня́ющии.
Ра́дуйтеся, Бо́жиих ми́лостей и щедро́т на́м пода́тели; ра́дуйтеся, оте́чества ва́шего украше́ние неотъе́млемое. Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 5
Богопросвеще́ннии свети́льницы благоче́стия и преди́внии чудотво́рцы Пе́тре и Февро́ние, Бо́га от всея́ души́ возлюби́вше, вся́ за́поведи Его́ сохрани́сте; те́мже и Христо́с, я́ко со́лнце и луну́ пресве́тлыя, показа́ ва́с, преблаже́ннии, чуде́с мно́гих заре́ю озаря́ющия о́бласть Му́ромскую и всю́ страну́ Росси́йскую, просла́вив нетле́нием святы́я и многоцеле́бныя мо́щи ва́ша, к ни́мже припа́дающе, по достоя́нию ублажа́ем ва́с и вы́ну благода́рственно пое́м ди́вному во святы́х Свои́х Бо́гу: Аллилу́иа.
И́кос 5
Ви́девше житие́ ва́ше пра́ведное и щедро́ты ва́ша, лю́дие му́ромстии сла́вляху ва́с, свои́х прави́телей ми́лостивых, благове́рнии Пе́тре и Февро́ние, вы́ же смире́ние и́стинное возлюби́вше и похвалы́ челове́ческия небре́гше, горды́нею неуя́звлени пребы́сте, и те́м показа́сте на́м о́браз вы́шшаго смире́ния, ему́же поуча́яся, с любо́вию вопие́м ва́м такова́я:
Ра́дуйтеся, сла́ву челове́чу ни во что́ же вмени́вшии; ра́дуйтеся, смире́ние Христо́во усе́рдно возлюби́вшии.
Ра́дуйтеся, за́поведей Госпо́дних ве́рнии исполни́тели; ра́дуйтеся, уче́ния Ева́нгельскаго и́стиннии после́дователи.
Ра́дуйтеся, раби́ Бо́га Вы́шняго, во́лю Его́ сотво́ршии; ра́дуйтеся, ве́ру Христо́ву до конца́ соблю́дшии.
Ра́дуйтеся, христоимени́тым лю́дем благоче́стия учи́тели; ра́дуйтеся, хотя́щих богоуго́дно жи́ти богому́дрии наста́вницы.
Ра́дуйтеся, моли́твами ва́шими спаса́ющии на́с от вся́ких бе́д; ра́дуйтеся, вся́ блага́я проше́ния на́ша исполня́ющии.
Ра́дуйтеся, в неду́зех стра́ждущих благода́тнии вра́чеве; ра́дуйтеся, ми́лостивии страны́ Му́ромския покрови́телие.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 6
Пропове́дницы ве́ры правосла́вныя и ревни́тели благоче́стия не сло́вом то́кмо, но все́м житие́м свои́м бы́сте во гра́де Му́роме, прехва́льнии Пе́тре и Февро́ние; те́мже и свята́я Це́рковь досто́йне почита́ет по́двиги и труды́ ва́ша, и́миже труди́стеся во сла́ву Бо́га Вы́шняго, немо́лчно воспева́я Ему́: Аллилу́иа.
И́кос 6
Возсия́сте во гра́де Му́роме све́том доброде́тельнаго жития́ ва́шего, я́ко зве́зды богосве́тлыя, преблаже́ннии Пе́тре и Февро́ние, и па́мять ва́ша в не́м с похвала́ми до дне́сь, я́ко и по сме́рти свое́й не престае́те озаря́ти на́с, мно́гая чудеса́ соверша́юще, и те́ми све́тлую зарю́ безсме́ртия на́м от моще́й ва́ших возсиява́юще, да ублажа́ем ва́с благохвале́ниями сицевы́ми:
Ра́дуйтеся, чи́на и уста́вов святы́я Це́ркве ве́рнии храни́тели; ра́дуйтеся, служи́телей олтаря́ Госпо́дня благогове́йнии почита́тели.
Ра́дуйтеся, благи́х обы́чаев и преда́ний святооте́ческих ревни́тели; ра́дуйтеся, обы́чаев злы́х и суему́дрий язы́ческих искорени́тели.
Ра́дуйтеся, суды́ нелицеприя́тны лю́дем ва́шим твори́вшии; ра́дуйтеся, суды́ ва́ша с ми́лостию соедини́вшии.
Ра́дуйтеся, кро́тцыи и незло́бивии после́дователи Христо́вы; ра́дуйтеся, зло́бу добро́м препобежда́вшии.
Ра́дуйтеся, нетле́ния благоуха́ющии цве́ти; ра́дуйтеся, безсме́ртия немерца́ющии лучи́.
Ра́дуйтеся, на земли́ вели́чием чуде́с блиста́ющии; ра́дуйтеся, на Небеси́ со А́нгелы Бо́га сла́вящии.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 7
Хотя́й человеколю́бец Госпо́дь яви́ти в житии́ ва́шем, Пе́тре и Февро́ние, о́браз назида́ния не то́кмо лю́дем мирски́м, но и лико́м и́ноческим, внуши́ ва́м в ста́рости масти́тей оста́вити сла́ву княже́ния земна́го, и восприя́ти о́браз и́ноческий, в не́мже подвиза́стеся до́бре посто́м, бде́нием и моли́твою, воспева́юще непреста́нно Триеди́ному Бо́гу а́нгельскую пе́снь: Аллилу́иа.
И́кос 7
Но́вую благода́ть Бо́жию во и́ночестем постриже́нии прие́мше, преподо́бнии, но́выми по́двигами украси́сте равноа́нгельное житие́ ва́ше и та́ко сугу́б пло́д соверше́нства духо́внаго Христу́ принесо́сте, и мзду́ преподо́бных досто́йне от Него́ восприя́сте. Помина́я у́бо такову́ю ре́вность ва́шу к подвиго́м духо́вным, прославля́ем ва́с си́ми достодо́лжными похвала́ми:
Ра́дуйтеся, я́ко любве́ ра́ди Го́спода, ми́ра сего́ княже́ние и сла́ву оста́висте; ра́дуйтеся, я́ко и́ноческое равноа́нгельное житие́ усе́рдно восприя́сте.
Ра́дуйтеся, соверше́ннаго терпе́ния подви́жницы; ра́дуйтеся, во́льныя нищеты́ блаже́ннии стяжа́тели.
Ра́дуйтеся, пре́жде кончи́ны ва́шея вся́ стра́сти умертви́вшии воздержа́нием; ра́дуйтеся, восприя́вшии святу́ю схи́му в броню́ спасе́ния.
Ра́дуйтеся, багряни́цу кня́жескую на власяни́цу и́ноческую премени́вшии; ра́дуйтеся, посто́м, бде́нием и непреста́нными моли́твами Бо́гу до́бре угоди́вшии.
Ра́дуйтеся, боголюбе́знаго уедине́ния взыска́тели; ра́дуйтеся, спаси́тельнаго безмо́лвия люби́тели.
Ра́дуйтеся, слеза́ми моли́твенными ороше́ннии; ра́дуйтеся, в со́нме преподо́бных на Небеси́ просла́вленнии.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 8
Стра́нное и ди́вное бе́ чу́до, егда́ ты́, блаже́нне Пе́тре, на кончи́не живота́ твоего́, проше́ния ра́ди супру́жницы твоея́, святы́я Февро́нии, исхо́дом свои́м уме́длил еси́, до́ндеже сконча́ она́ пелену́ церко́вную, е́ю сшива́ему и вку́пе с тобо́ю к исхо́ду сме́ртному приспе́, и та́ко неразлу́чнии в житии́, неразлу́чнии и в кончи́не яви́стеся, и во еди́н де́нь и ча́с святы́я ду́ши своя́ в ру́це Бо́жии преда́сте, зову́ще при́сно живы́ми и ме́ртвыми облада́ющему Влады́це Бо́гу: Аллилу́иа.
И́кос 8
Вси́ чудя́хуся и сла́вляху ди́внаго во святы́х Свои́х Бо́га, егда́ свята́я ва́ша телеса́, в ра́зных гробе́х положе́нная, чуде́сно обрето́шася лежа́ща в о́бщей гробни́це, ю́же угото́васте себе́, преподо́бнии, в собо́рней це́ркви гра́да Му́рома, иде́же и доны́не неразлу́чно почива́ете, чудотво́рцы святи́и, неоску́дная источа́юще исцеле́ния все́м, с ве́рою прибега́ющим к ва́м и зову́щим:
Ра́дуйтеся, сою́з любве́ ва́шея до гро́ба и за гро́бом ве́рно сохра́ншии; ра́дуйтеся, не то́кмо в жи́зни, но и по сме́рти, о Го́споде соедине́ннии.
Ра́дуйтеся, в супру́жестем благоче́стнем житии́ ва́м подража́ющим кре́пцыи помо́щницы; ра́дуйтеся, теплото́ю любве́ ва́шея и на́с согрева́ющии.
Ра́дуйтеся, сме́ртию вре́менною преше́дшии к жи́зни ве́чней; ра́дуйтеся, от Го́спода нетле́нием и чудесы́ просла́вленнии.
Ра́дуйтеся, я́ко па́мять ва́ша с похвала́ми и успе́ние со святы́ми; ра́дуйтеся, я́ко имена́ ва́ша че́стна су́ть и благослове́нна в оте́честве ва́шем.
Ра́дуйтеся, Росси́йския страны́ удобре́ние благода́тное; ра́дуйтеся, гра́да Му́рома огражде́ние несокруши́мое.
Ра́дуйтеся, о лю́бящих и чту́щих ва́с небе́снии предста́тели; ра́дуйтеся, приснопрося́щии на́м у Го́спода да́ры бла́гости Его́.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 9
Вси́ А́нгели и святы́х ли́ки ра́довахуся ра́достию ве́лию, егда́ святы́я ду́ши ва́ша достиго́ша ве́чнаго в оби́телех ра́йских селе́ния, и Са́м Творе́ц А́нгелов и Святе́йший святы́х Ца́рь Сла́вы Христо́с, безсме́ртия венцы́ увенча́ ва́с и дарова́ ва́м благода́ть моли́тися Ему́ со дерзнове́нием мно́гим о все́х и́щущих ва́шего заступле́ния, его́же не лиши́те и на́с гре́шных, Пе́тре и Февро́ние достохва́льнии, смиренному́дренно воспева́ющих просла́вльшему ва́с Бо́гу хвале́бную пе́снь: Аллилу́иа.
И́кос 9
Вети́йство челове́ческое не довле́ет к досто́йному прославле́нию жития́ ва́шего, святи́и чудотво́рцы Пе́тре и Февро́ние; кто́ бо испове́сть вся́ моле́ния и поще́ния, боле́зни и труды́ ва́ша? кто́ изочте́т вся́ сле́зы и воздыха́ния ва́ша я́же к Бо́гу? Оба́че мы́ любо́вию к ва́м подвиза́еми, дерза́ем воспева́ти ва́м сия́ ма́лыя и нехи́тростныя похвалы́:
Ра́дуйтеся, благода́ти Свята́го Ду́ха избра́ннии сосу́ди; ра́дуйтеся, ра́дости на́м ве́чныя благоприя́тнии хода́таи.
Ра́дуйтеся, богобоя́зненных супру́гов в благоче́стии утвержде́ние; ра́дуйтеся, наруши́телей супру́жескаго целому́дрия и согла́сия гро́зное обличе́ние.
Ра́дуйтеся, гне́в Бо́жий, пра́ведно дви́жимый на на́с, моли́твами ва́шими утоля́ющии; ра́дуйтеся, о ми́ре всего́ ми́ра непреста́нно Го́спода умоля́ющии.
Ра́дуйтеся, на враги́ ви́димыя и неви́димыя кре́пцыи на́м спобо́рницы; ра́дуйтеся, ангелонра́внии челове́цы.
Ра́дуйтеся, преподо́бных и пра́ведных сонасле́дницы; ра́дуйтеся, Пресвяты́я Тро́ицы ве́рнии уго́дницы.
Ра́дуйтеся, блаже́ннии обита́тели го́рняго гра́да Иерусали́ма Небе́снаго; ра́дуйтеся, со святы́ми торжеству́ющии в ски́ниях ра́йских.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 10
Спасе́ние ве́чное унасле́довавше богоблаже́ннии Пе́тре и Февро́ние, душа́ми ва́шими в оби́телех го́рних неразлу́чно в Бо́зе пребыва́ете, святы́ми же моща́ми ва́шими в хра́ме Бо́жием нетле́нно вку́пе почива́ете, и оби́льная исцеле́ния источа́ете, да чудесы́ ва́шими благода́тно озаря́еми, хвале́бно взыва́ем Верхо́вному Творцу́ чуде́с Бо́гу: Аллилу́иа.
И́кос 10
Сте́ну заступле́ния, благоприя́тныя моли́твы ва́ша к Бо́гу, обре́тше, святи́и чудотво́рцы Пе́тре и Февро́ние, благодаре́ние Отцу́ Небе́сному усе́рдно возсыла́ем за вся́ благодея́ния Его́, ва́ми все́м на́м оби́льно явля́емая, ва́м же, предста́телем на́шим, сицево́е прино́сим пе́ние:
Ра́дуйтеся, всесве́тлаго Ца́рствия Христо́ва насле́дницы; ра́дуйтеся, а́нгельских лико́в собесе́дницы.
Ра́дуйтеся, Бо́га во сла́ве непристу́пней созерца́ющии; ра́дуйтеся, Трисия́ннаго Божества́ таи́нницы.
Ра́дуйтеся, со святы́ми на Небеси́ ве́чно ца́рствующии; ра́дуйтеся, от го́рних высо́т к земноро́дным ми́лостивно приника́ющии.
Ра́дуйтеся, кри́ни благоуха́ннии небе́снаго прозябе́ния; ра́дуйтеся, кипари́си чудото́чнии рая́ Иису́сова.
Ра́дуйтеся, пода́тели незави́стнии безме́зднаго врачева́ния; ра́дуйтеся, соверши́тели достохва́льнии мно́гих чуде́с.
Ра́дуйтеся, благодея́ний мно́жество на́м источа́ющии; ра́дуйтеся, ми́лостию сострада́ния ва́шего все́х объе́млющии.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 11
Пе́ние моле́бное прино́сим ва́м, уго́дницы Бо́жии Пе́тре и Февро́ние, и с любо́вию припа́даем к ра́це святы́х и многоцеле́бных моще́й ва́ших, прославля́я житие́ ва́ше богоуго́дное и по́двиги мно́ги. Мо́лимся ва́м усе́рдно, чудотво́рцы святи́и, помози́те на́м подража́ти ва́шим доброде́телем, да возмо́жем богоуго́дно пе́ти Созда́телю на́шему: Аллилу́иа.
И́кос 11
Све́та небе́снаго испо́лнен бе́ собо́рный хра́м гра́да Му́рома, егда́ благоволе́нием Бо́жиим святы́я мо́щи ва́ша Пе́тре и Февро́ние, це́лы и благоуха́нны обрето́шася в не́м, и из не́др земны́х, я́ко сокро́вище драгоце́нное, изнесе́ны бы́ша, иде́же и до ны́не почива́ют, исцеле́ния неоску́дная источа́юще неду́жным и боля́щим. Сего́ ра́ди пе́сненно вопие́м ва́м:
Ра́дуйтеся, зла́то нетле́нное, в не́дрех земны́х обре́тенное; ра́дуйтеся, би́сери сия́ющии и благода́тно просвеща́ющии челове́ков.
Ра́дуйтеся, святы́я Правосла́вныя Це́ркве похвало́; ра́дуйтеся, ересе́й и раско́лов обличе́ние.
Ра́дуйтеся, све́ти у́мнии, заре́ю Свята́го Ду́ха облиста́ющии; ра́дуйтеся, ми́ра благоуха́ния Христо́ва преиспо́лненнии.
Ра́дуйтеся, облече́ннии в ри́зу благода́тнаго нетле́ния; ра́дуйтеся, препоя́саннии си́лою мно́гих чуде́с.
Ра́дуйтеся, я́ко ра́ка ва́ша честна́я враче́бница яви́ся неду́гом челове́ческим; ра́дуйтеся, я́ко от нея́ вся́к с ве́рою приходя́й да́ры целе́бныя прие́млет.
Ра́дуйтеся, све́тлостию чуде́с ва́ших мра́к ду́ш на́ших озаря́ющии; ра́дуйтеся, нетле́нием святы́х моще́й ва́ших зарю́ о́бщаго все́х воскресе́ния на́м показу́ющии.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 12
Благода́ть свы́ше ва́м дарова́нную, позна́вше, святи́и чудотво́рцы Пе́тре и Февро́ние, с благогове́нием и любо́вию покланя́емся нетле́нным и многоцеле́бным моще́м ва́шим и от ни́х прие́млем в неду́зех исцеле́ние, в ско́рбех утеше́ние, в беда́х благода́тную по́мощь: те́мже и прославля́ем ва́с по достоя́нию, небе́сных предста́телей и засту́пников на́ших, воспева́юще хвалы́ и благодаре́ния ва́ми благотворя́щему на́м Влады́це Бо́гу: Аллилу́иа.
И́кос 12
Пою́ще мно́гая и пресла́вная ва́ша чудеса́, вели́цыи уго́дницы Бо́жии Пе́тре и Февро́ние, ублажа́ем ва́с, я́ко цели́телей, уте́шителей и помо́щников от Го́спода на́м дарова́нных, и моли́твенно торжеству́ем святу́ю па́мять ва́шу, от любве́ серде́чныя воспева́юще ва́м благода́рственно и хвале́бно:
Ра́дуйтеся, во благоуха́нии святы́ни нетле́нно почива́ющии; ра́дуйтеся, с ве́рою приходя́щих к ра́це моще́й ва́ших благода́тно освяща́ющии.
Ра́дуйтеся, призыва́ющих моли́твенно честна́я имена́ ва́ша ско́рии услы́шатели; ра́дуйтеся, упова́ние на ва́с по Бо́зе возлага́ющих ди́внии помо́щницы.
Ра́дуйтеся, изве́стнии умилостиви́тели Царя́ Небе́снаго; ра́дуйтеся, си́льнии защи́тницы на́ши от враго́в неви́димых.
Ра́дуйтеся, при́снии все́м хода́таи спасе́ния; ра́дуйтеся, неотсту́пнии храни́тели гра́да Му́рома.
Ра́дуйтеся, князе́й росси́йских пречу́дная добро́то; ра́дуйтеся, оте́чества ва́шего Бо́гом дарова́ннии покрови́тели.
Ра́дуйтеся, теле́с на́ших благода́тнии целе́бницы; ра́дуйтеся, о душа́х на́ших усе́рднии ко Го́споду моли́твенницы.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 13
О святи́и и пресла́внии чудотво́рцы, благове́рнии кня́же Пе́тре и княги́не Февро́ние! Приими́те ми́лостивно сие́ похва́льное пе́ние от на́с недосто́йных во умиле́нии ва́м приноси́мое, и ва́шим предста́тельством у Го́спода испроси́те на́м утвержде́ние в ве́ре и до́брых де́лех, и избавле́ние от все́х скорбе́й и боле́зней вре́менных и ве́чных, да сподо́бимся вку́пе с ва́ми и все́ми святы́ми во Ца́рствии Небе́снем пе́ти Пресвяте́й Тро́ице ве́чно хвале́бную пе́снь: Аллилу́иа.
Этот конда́к чита́ется три́жды, зате́м и́кос 1-й и конда́к 1-й.
И́кос 1
А́нгели земни́и и челове́цы небе́снии вои́стинну яви́стеся, блаже́ннии Пе́тре и Февро́ние, от ю́ности ва́шея чи́стую со́весть иму́щии к Бо́гу, и до́бре во благоче́стии и чистоте́ вку́пе пожи́вшии, на́м же оста́вльшии в приме́р подража́ния житие́ ва́ше богоуго́дное, ему́же чудя́щеся и чудесы́ ва́шими озаря́еми, зове́м ва́м гла́сы хвале́бными си́це:
Ра́дуйтеся, от ю́ности ва́шея Христа́ возлюби́вшии и Тому́ от души́ порабо́тавшии; ра́дуйтеся, целому́дрия храни́тели и душе́вныя и теле́сныя чистоты́ рачи́тели.
Ра́дуйтеся, ду́ши ва́ша и телеса́ на земли́ в обита́лище Ду́ха Свята́го угото́вившии; ра́дуйтеся, испо́лненнии прему́дрости и ра́зума боже́ственнаго.
Ра́дуйтеся, я́ко во пло́ти, я́ко безпло́тни, вку́пе пожи́сте; ра́дуйтеся, я́ко равноа́нгельную че́сть досто́йно прия́сте.
Ра́дуйтеся, я́ко от земли́ на Не́бо преидо́сте и та́мо со А́нгелы Тро́ице предстои́те; ра́дуйтеся, я́ко со безпло́тными ли́ки трисвяту́ю пе́снь Е́й воспева́ете.
Ра́дуйтеся, на Небеси́ и на земли́ от Го́спода просла́вленнии; ра́дуйтеся, обре́тшии ве́чное всесве́тлое ме́сто упокое́ния.
Ра́дуйтеся, гра́да Му́рома сокро́вища пребога́тая; ра́дуйтеся, исто́чницы неистощи́мии чуде́с.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 1
Избра́ннии чудотво́рцы и вели́цыи уго́дницы Госпо́дни, гра́да Му́рома засту́пницы и при́снии о душа́х на́ших моли́твенницы, святи́и благове́рнии кня́же Пе́тре и княги́не Февро́ние! Пе́ние похва́льное ва́м принося́ще, мо́лим вы́ усе́рдно: я́ко иму́щии дерзнове́ние ко Го́споду, предста́тельством ва́шим от вся́ких бе́д на́с свободи́те, и насле́дники Ца́рствия Небе́снаго на́с соде́лайте, да зове́м ва́м ра́достно:
Ра́дуйтеся, святи́и и пресла́внии чудотво́рцы Пе́тре и Февро́ние.
Молитва
Моли́тва пе́рвая
О вели́цыи уго́дницы Бо́жии и преди́внии чудотво́рцы благове́рнии кня́же Пе́тре и княги́не Февро́ние, гра́да Му́рома предста́тели и храни́тели, и о все́х на́с усе́рднии ко Го́споду моли́твенницы! К ва́м прибега́ем и ва́м мо́лимся с упова́нием кре́пким: принеси́те за на́с гре́шных святы́я моли́твы ва́ша ко Го́споду Бо́гу и испроси́те на́м у бла́гости Его́ вся́ благопотре́бная душа́м и телесе́м на́шим: ве́ру пра́ву, наде́жду бла́гу, любо́вь нелицеме́рну, благоче́стие непоколеби́мое, в до́брых де́лех преуспе́яние, ми́ра умире́ние, земли́ плодоно́сие, возду́ха благорастворе́ние, душа́м и телесе́м здра́вие и ве́чное спасе́ние. Исхода́тайствуйте у Царя́ Небе́снаго: ве́рных рабо́в Его́, в ско́рби и печа́ли де́нь и но́щь вопию́щих к Нему́, многоболе́зный во́пль да услы́шит и да изведе́т от поги́бели живо́т на́ш. Испроси́те Це́ркви святе́й и все́й держа́ве Росси́йстей ми́р, тишину́ и благоустрое́ние, и все́м на́м житие́ благополу́чное и до́брую христиа́нскую кончи́ну. Огради́те оте́чество ва́ше, гра́д Му́ром, и вся́ гра́ды Росси́йския от вся́каго зла́ и вся́ правове́рныя лю́ди, к ва́м приходя́щия и моще́м покланя́ющияся, осени́те благода́тным де́йством благоприя́тных моли́тв ва́ших, и вся́ проше́ния и́х во бла́го испо́лните. Е́й, чудотво́рцы святи́и! Не пре́зрите моли́тв на́ших, со умиле́нием ва́м возноси́мых, но бу́дите о на́с при́снии предста́тели ко Го́споду и сподо́бите на́с по́мощию ва́шею свято́ю спасе́ние ве́чное получи́ти и Ца́рствие Небе́сное унасле́довати; да славосло́вим неизрече́нное человеколю́бие Отца́, и Сы́на, и Свята́го Ду́ха, в Тро́ице покланя́емаго Бо́га, во ве́ки веко́в. Ами́нь.
Моли́тва втора́я
О уго́дницы Бо́жии, благове́рнии кня́же Пе́тре и княги́не Февро́ние, к ва́м прибега́ем и к ва́м со упова́нием кре́пким мо́лимся: вознеси́те о на́с, гре́шных (имена́), святы́я моли́твы ва́ши ко Го́споду Бо́гу и испроси́те у бла́гости Его́ вся́ благопотре́бная душа́м и телесе́м на́шим: ве́ру пра́ву, наде́жду бла́гу, любо́вь нелицеме́рну, благоче́стие непоколеби́мо, в до́брых де́лех преуспе́яние. И хода́тайствуйте на́м у Царя́ Небе́снаго житие́ благополу́чное и до́брую христиа́нскую кончи́ну. Е́й, чудотво́рцы святи́и! Не пре́зрите моли́тв на́ших, но бу́дите о на́с при́снии предста́телие ко Го́споду, и сподо́бите на́с по́мощию ва́шею спасе́ние ве́чное получи́ти и Ца́рствие Небе́сное унасле́довати, да славосло́вим неизрече́нное человеколю́бие Отца́ и Сы́на и Свята́го Ду́ха, в Тро́ице покланя́емаго Бо́га во ве́ки веко́в.
^sss^Святые Пётр и Феврония Муромские^sss^
Частые вопросы
Для чего читают акафист Петра и Февронии?
Акафист Петру и Февронии читают верующие христиане для: удачной женитьбы, рождения ребенка, обретения любви настоящей, налаживания отношений в семье, рения непонимания и проблем между супругами.
Что можно просить у Петра и Февронии?
В ХVI веке Петр и Феврония были причислены к лику святых, считаются православными покровителями семьи. Традиционно 8 июля во всех православных храмах проходят богослужения в память о Петре и Февронии. В этот день у святых просят семейного счастья, а у священника — благословения на брак.
Для чего молятся Петру и Февронии?
Сегодня православные верующие празднуют день памяти святых Петра и Февронии Муромских. Эта пара являет собой пример истинной любви. По традиции им молятся об обретении семьи.
Какую молитву читать Петру и Февронии?
О, уго́дницы Бо́жии, благове́рнии кня́же Пе́тре и княги́не Февро́ние, к вам прибега́ем и к вам со упова́нием кре́пким мо́лимся: вознеси́те о нас, гре́шных (имена), святы́я моли́твы ва́ши ко Го́споду Бо́гу и испроси́те у бла́гости Его́ вся благопотре́бная душа́м и телесе́м на́шим: ве́ру пра́ву, наде́жду бла́гу, любо́вь …
Полезные советы
СОВЕТ №1
Подготовьтесь к молитве. Прочтите краткую биографию святых Петра и Февронии, чтобы понимать их жизненный путь и подвиги.
СОВЕТ №2
Сосредоточьтесь на молитве. При чтении акафиста святым Петру и Февронии старайтесь отвлекаться меньше, чтобы глубже проникнуться смыслом молитвы.
СОВЕТ №3
Подумайте о своих молитвенных намерениях. Прежде чем начать молитву, обдумайте, о чем именно вы просите святых и какие нужды у вас на сердце.
Чудеса и молитвенные ответы святых
Святые Петр и Феврония Муромские считаются покровителями семейного счастья, любви и верности. Их житие наполнено чудесами и молитвенными ответами на мольбы верующих.
Многие люди, обратившись к святым Петру и Февронии с искренней молитвой, рассказывают о том, как получили помощь и поддержку в решении семейных проблем, восстановлении отношений, исцелении близких и даже в материальных нуждах.
Святые мученики Петр и Феврония являются примером верности и любви, которые помогают верующим преодолевать трудности и испытания в семейной жизни. Их чудотворная сила проявляется через молитвы и покровительство, приносящие утешение и обновление духа.
Многие христиане, обращаясь к святым Петру и Февронии с верой и надеждой, получают духовное обновление, утешение в скорби и помощь в решении жизненных проблем. Чудеса и молитвенные ответы святых становятся свидетельством их благословения и покровительства над верующими.
